本帖最後由 rmokti2005 於 2009-6-12 00:39 編輯
釣魚係我娛樂,不是我的職業,,我都吳係一個專業打平爆的人士,但我打左不下一百粒平爆...到現在好好彩,都無出個事...我可能重有缺點,,不如我在礁石上打粒四分白鋼平爆師兄可從旁指點我的不是..幫我拎番粒平爆上黎好嗎 ...
907907 發表於 2009-6-11 23:12
釣魚都係我既興趣, 但我的職業都唔係打平爆, 只係咁o岩見到有釣友問關於打平爆及拉爆用作绑安全繩, 而該釣友又連平爆係點都未知, 所以想盡我所能將所知所學講得幾多得幾多.
"打左不下一百粒平爆...到現在好好彩,都無出個事" 唔代表就可以用呢個心態一路博落去.
你呢個得過且過既心態o係重磯運動 ( 及所有 X-game ) 都唔應該有, 重磯不是應該將所有釣具的設計改良, 將釣具的能力推到極限嗎? 不論竿, 攪, 絲, 鉤, 小五金工具, 線結, 前置, 尾壓....... 但係一粒最緊要既尾壓平爆/拉爆, 就可以得過且過? 係咪有 D 自打咀巴呢?
70号竿唔夠力, 可以換100号, 幼骨鉤唔夠力,可以換粗骨鉤, 斷竿斷鉤事小, 最多買過/走魚, 但斷/甩尾壓既後果, 我相信冇人相親身經歷.......
如果你想繼續博, That's fine ! 唔關我事, 命係你既, 你要死唔通唔比你死咩? (當然我唔希望有釣友有事 la !)
但你都唔可以阻止我將正確既資料公開比其他釣友睇, 因為我唔希望有釣友為左條魚, 用條命泥博. 最慘就係怕有釣友以為自己一 D 未經證實既方法已經無敵, 咁先係最危險.
至於你對我既挑戰, 已經扭曲左我既觀點. 我由頭到尾既觀點係 : 拉爆比平爆好力 ( 特別用於尾壓 ) 請留意個"比"字, 而唔係話你個尾壓唔夠力 !
就算我拉唔甩你既平爆, 唔代表你已經將粒平爆既能力發睴到極限, 亦唔代表海入面既大魚冇能力拉甩你個尾壓. (你永遠唔會知食埋泥既魚有幾大, 對嗎 ?)
如果已經將粒平爆既能力發睴到極限, 但都比佢拉甩個尾壓, 咁我輸得心服口服, 但未將粒平爆既能力發睴到極限而輸, 就叫祇死.
如果你係想挑戰我既, 都 OK, 不如比下線結 ar ? 用同樣既絲, 各綁一線結, 鬥拉, 睇下邊個線結斷先..... 再唔係一人一支竿, 同 size 既攪, 同樣既絲, 同重量既鉛, 鬥投得遠又得. 起碼滿足到你挑戰我既慾望 ! |