第六天：2009-4-14 星期二 天晴
幾驚今日又落雨，好彩天公造美，一釣魚，就出太陽，曬到隻積咁！唔知係唔係前日jig完未回氣，定係尋日凍親，大家都好似唔多在狀態，撻皮狀況出現得好快，未夠半日，已經發軟蹄……不過都係果句：死頂！而家唔jig等幾時？手斷都要jig呀！
今日情況：上半天＞龜．龜．龜．龜＞四隻龜。
下半天＞由laiben開齋，jig中！不過搏得一陣，甩左！灰。
我又中，斷pe，超灰！本來renee話係比膠魚咬斷既（因為無得fight!一中一泵即斷！），不過收上水唔係斷子係斷pe，估計我條pe可能已經花左而不自知，一扯就收皮。
萬念俱灰之下，紅馬又jig中喇，今次呢條表現好勁（紅馬交
戲都有幫助既），初初仲以為係tuna，上水，都係章紅！
之後大家都好比心機jig,好想再中呀！
不過一路都無咩驚喜，我地回航時間係３點，不過大家都磨爛蓆……renee見我地咁熱血，都比我地玩。到３點咁上下，大家都好怕就咁沙唷啦喇，開行turbo狂jig呀!摩打手呀!呢個時間我中魚啦！我心諗「千其唔好再斷，斷左就無時間比我再jig中架喇！千其唔好斷……」呢條魚好很強頑，段段有力，一度要泵爆細佬支ＪＭ。唔洗講，去片～
上水啦～３５kg gt!哇呀呀呀~~(sorry紅馬用左你對白!)啊啊~~~好開心呀!完全拎起時,去到我心口咁高。
我真係唔夠力凌空抽起佢（試過，可以，不過唔可以keep住多過一秒）
估唔到唔係pooping中目標魚，而係jigging中!痴左線哦!
話晒係我第一條gt,映左一陣相,放生啦!放佢落去,慢開船,比多少少海水打入腮,ok!佢生番晒!無事!不過……
出事喇！！！！個berkley grip壞左！開唔番！
大家都好緊張又心急，之前中魚好開心，而家就驚驚地。驚整爛人家把grip,驚整死條魚……期間試過用剪刀、士巴拿、cut鉗、針、一字批、尖咀鉗、開ring鉗……完全無用！個grip係咁夾實個魚咀,條魚個唇又厚＜把grip根本無可能拎到出黎！
呢個時候你地會點做？有咩方法提供？估下先，我今晚食完飯開估……
講埋釣獲先，febbie今日都唔弱，埋齋又上jobfish!不過今次係rusty jobfish,同之前紅馬果條唔同色既。
中左壓,放生放左幾分鐘都唔ok,又收歸國有……罪過~嘻!(殺手鴛鴦呀!)
今日係我地釣魚既最後一日，renee好好人屎，比我地磨爛蓆到４點（本身３點要走）先開艇走。回程時我又傷痕纍纍……
上船頂映下開心相先
jig到爆軑!痴左線呀！我條愛褲就咁燒焦。真係人都癲～
回程時死左一邊摩打，直頭玩trolling!又比laiben中條水面魚!
用假魷中既,魚僮話想食,留起左.
今日殺左兩條魚
怕腥的紅馬
我地要左條尾今晚bbq
橫切面(都ok肥架條魚)
晚飯時間!最後一晚,食豪d！去左jimberla beach果邊食海鮮，環境好好架，一天都係星星，有海風吹來，一ｄ都唔熱！聞到陣陣炭香，仲有live band表演。
你地估下呢隻龍蝦幾銀?問題二>又係今晚食完飯開估。
bbq檯,秤好海鮮即劏轉身夾入夾度,就燒,一定唔會呃秤喇掛?
我地仲叫左黑椒炒肉蟹,即揀即炒,好甜好新鮮!
仲有燒大蜆
燒雞,香料是不錯,幾惹味,不過果度d土雞又真係瘦左少少,鞋左d.
bbq大頭蝦,個樣唔好睇,不過好味,細隻但大頭,隻隻有羔
白飯薯條菜任食
因為今日邀請埋renee兩公婆一起來個慶功dinner,佢地好鍾意食魷,所以就都叫左一魷兩味,椒鹽同豉油王,當然,唔夠我地自己fit果d咁鮮啦,不過味道尚可,起碼唔un。
呢餐食左好多海鮮,吹住海風傾下計,真係人生一大樂事！
係呢度不得不讚一下renee及佢太太,兩個在同一公司工作,非常友善,亦都幫左我地好多,我地唔明唔識既野佢都慢慢教我地，呢次仲特登渣車來酒店車我地出去食飯當farewell,最後仲送左ｄ小禮物比我地做紀念，姑勿論呢ｄ係pr手法定咩野，肯定令人感覺良好，加上大家志趣相投，極度好傾。
食完飯，大家都攰，renee就車我地返酒店,留下contact,就此告別。
我地亦都正式同峇里的魚講再見,後會有期,果晚,我發左兩個jigging夢,一個gt夢……
第七天：2009-4-15 星期三 天晴
一早起身食早餐執野去機場上機回港，其實，都無咩好講啦。唯一要講既就係，四條友，都開始作病，實在乾煎太耐，又無咩湯水，體力嚴重透支!上機之後，我連飛機餐都無食，想嘔。
到而家，仲有3.5條友病緊,我好彩,病左半條,少少喉嚨痛唶。
完
ps多謝阿sir,細佬,龜波等人幫忙,係我在星加坡立立亂時幫我call車回家,回到hk,好彩有你地。
Ps 多謝所有曾借出架生的友好,雖然frankie,我無用過你塊板呀喇!哈~~
Ps多謝細佬來接機,幫我拎行李播!嘿嘿!
Ps好多多謝,多謝大家收睇.今次report,打到我灘灘腰,希望值得,真心希望能同大家分享釣行,有興趣者希望你地可以有所得著,無興趣者都希望你有d娛樂同短暫快感啦!哈!
下次再會! |
顯身卡
