紅馬好似失左踪, 我貼第五日行程比大家指教下, 不過第五日我地冇釣魚, 去左玩浮潛!
第五天：2009-4-13 星期一 天晴後打石湖
今日唔釣魚，轉去玩浮潛。本來諗住都係hea團，一早有司機接我地去海灘，
出去途中見都幾大浪，仲有人滑浪呢！
出艇到第一釣點，我地跟住個guide浮潛，隻艇就再車人出出邊潛水，一小時後回來接我地。好，一到就潛，第一個感覺就係果度唔夠沙巴咁靚，ｄ魚仲有ｄ怕人。水唔夠藍亦都唔夠沙巴咁清。
唔緊要啦，照玩，潛出少少（約兩米水深），開始多野睇，唔講咁多，睇下，超大雞泡！（而家睇唔知幾大，實際佢有成個枕頭咁大！）
期間我潛到大約四米深，已經見到兩呎長的煙仔（定唔知吞拿）好快咁成群游開去，真係好得意！身大大，尾細細，扭扭籮友就成班由我左邊去左右邊，kwaii呢！哈～不過影唔切相。
不過潛左唔夠半個鐘，就感覺力不從心，因為果度湧愈來愈大，冷暖 水流交替既位置尤甚。我地完成無能力游番岸，好彩呢個時候，個guide見我地唔多掂，就搵左幾個果個島既原居民扒艇仔黎接我地埋岸（真丟面……），礙於大家都要留力聽日釣魚，都唔死撐喇，就坐艇埋岸，等人黎接。
隻腳又瘀，個人又瘀……
大家攰到木口木面
呢個時間，雨開始落，仲愈落愈大……又凍又濕，又無衫著，太陽又唔見左，唉，人生最灰，莫過於此。
個天好黑
男子組好灰
打石湖呀！！！
等左三十分鐘，隻艇終於來，佢地仲要去第二個潛點，我地唯有食少少零食，抖下，等停雨，又潛過。（因為唔潛落水，係度比雨打，仲凍！）潛呀潛……愈來愈凍，原來水面已經有超級石湖，ｄ水愈來愈凍，我地想走，又無得走，一小時後上番艇，大家都有中壓感覺，面青口唇白，想嘔……
土著哥哥仲笑笑口影相，側邊個西人就岩岩潛完廿米回來，佢映到成圍檯咁大既魔鬼魚比我睇，又比佢見到sand shark,似乎好吸引!
返到岸，抹身著衫返酒店沖熱水涼，去到峇里第一次覺得凍！
沖完涼先好番少少，不過頭又痛人又沾沾凍，真係好怕發燒同病，即時出去食個dunut補充體力先!
左起:caramel,杏仁、peanuts.
幾個人無晒心機無晒力，出去象徵式行左一陣,個袋比我由100蚊講價講到35蚊成交.
好多電單車
行到唔夠七點就死去食飯,因為大家都係果句＞食完飯，早ｄ訓，聽日再搏過！
去左食意大利菜,renee介紹既,手造pasta,麵包,以及石烤爐pizza,仲有自家製gelato,超正!
Welcome bread櫃位
環境
ceasar salad(為港紙廿幾蚊……)
用蝦殼熬成pasta sauce,仲用淡水大頭蝦做的長通粉,個汁好好味,香港要食到,我估要貴6倍價錢。
忌廉汁菇菇扁意粉，好rich，係好味的，不過開始漏呀！
傳統pizza,tomato,salami,cheese.
牛肉卷,個人覺得最失色係呢個,唔岩口味.
已經係好飽,不過唔可能放過佢個gelato,死死氣都叫左個開心果味，係香港唔會食到（我食過幾間都係唔知點解有陣杏仁同薄荷味！莫非開心果就一定要加mint?）,好純正的味，開心果就係開心果。
最後假餌部開開心心映番團體照，打的回府，聽日最後一戰！想唔想睇唶？嘿嘿……
|
顯身卡
掂！
