本帖最後由 紅馬王子 於 2009-5-6 13:59 編輯
第二天：2009-4-10 星期五 天晴
晨早起床，清新開朗！訓唔夠五粒鐘，早上六點，釣魚團負責人已經黎到接我地。根本上係＞一．Ｄ．都．未．訓．夠！anyway，無計，死頂！我地頭站去到釣魚公司的辦公室，比埋ｄ尾數佢，再簽番張生死狀。不過唔好誤會，生死狀並唔係講你出海有咩人生意外佢唔包，而係……無魚佢唔包！真係好均真，先小人後君子，大家笑笑口，一一簽過打龜免責條款，再比我地leader Renee 檢查過我地的架生，就坐車去碼頭上船。
領隊佢地個office
office 隔離有間釣具店, 有佢地自家制既popper 賣, 有架生出租, 都唔差咖, smith popping 杆同stella SW 20000.
基本上呢間公司都幫人安排好多水上活動，所以佢地船差唔多霸左半個沙灘，我地坐程駁艇，就上左我地隻釣魚船喇！船既內籠都算新淨，又夠大，仲有廁所，女仔就唔洗怕麻煩啦。（不過話時話，釣咁多日魚我只去過一次廁所，因為實左流太多汗！）
我地隻艇:
當地的”艇仔” 睇落好似海面大浪時都會幾穩定咁喎!
領隊Renee 好簡單咁介紹左船上面有乜設施後問laiben 仲有乜特別要求, laiben 就話我地所有漁獲都會放生. Renee 話 okay 無問題咁我地就正式出發喇!
大家都磨拳擦掌，set好架生，想快快中第一條魚。今日我地既釣魚係峇里東南邊既lombok island，離我地出發既沙灘大約 40海里, 果度係gt出沒勝地，今日大家都mark住ｄ礁邊同出水石附近，不停掟出popper，想快快中到我地目標魚。因為今日路程遠，而且一路都係瞄住gt黎釣，所以全程都係玩popping。
第一次popping，casting係一個最大既問題，renee話，casting做得好，對pop gt黎講係好重要。可惜我地casting技術認真麻麻，最低潮期（超大流、好攰、隻艇極拋）我試過只cast出20m的紀錄……手風好時都可以有70m既，不過要到100m就認真開玩笑。因為casting麻麻，我地隻船要駛到比較近礁，隻popper先可以係目標點降落，但亦都係因為咁，隻艇都可能會嚇到ｄ魚。大家就係愛與痛的邊緣，一路怪自己技不如人，一路pop，一路龜……其實果度ｄ礁真係好靚，天然釣場的環境一流，空氣好，天氣好，水又藍，可惜，一路無魚。
期間febbie都有試下打沉底玩下生餌，因為我地埋礁邊釣，有時水唔算太深，60m左右，可以打下沈底釣下斑。
Febbie就成為我地第一個破龜既人。
後來，pop到下午，Patsy終於pop中人生第一條魚喇！個心當堂雄左！即時set hook再收！咦，做咩好似死魚咁既？唔通係垃圾？噢！妖！比我唔小心pop中了一條水面的鶴針！仲要係勾身！灰到爆廠！映張相，放番佢，不過佢已經死左……sorry，魚pop唔成，殺錯良民。
無幾耐captain 突然指住後面個海唔知講乜, 原來係好大條馬林浮左上水! 佢浮到好面, 差不多成支背旗露出水面, 全長估計起碼兩米! 離我地隻艇只有約20m, 咁唔理啦laiben同我都照掟啦, laiben聲稱見到條馬林轉一轉身望下我隻 popper 就掉頭走, 咁即係冇食啦…最終，今日假餌部無功而回，龜氣甚重，大家dup住個頭返酒店，鞋口鞋面，另一方面又暗暗為黎緊幾日擔心。
點都好，輸人唔輸陣，大家今日叫做學左點cast，點做動作，亦都稍為知多左究竟點揀個好位，唔同風向同水流都會影響隻popper既動作，就連你企係船既邊度pop都大有學問。我覺得雖然龜左，不過都有得著。而且今日個trip，我仲見到我人生中第一群野生海豚，真係好開心。大家吸收經驗，等待下次機會吧！
釣場既相片
當日撞著大生流, 睇我地 d video 都知有幾大流, 好似萬馬奔騰咁, 唔知係咪因為太大流 d GT 都唔鐘意食水面呢… ………
釣完魚已經4點幾，大家返酒店沖涼梳洗，就出去食個晚飯訓覺。
去左食日式鐵板消. 勝在有酒店接送, 岩哂我地幾條人乾. 價錢不算貴, 味道不錯!
三十幾度高溫下企係船上pop足一日，大家已經攰到不似人形，laiben耳仔正式淪陷，瘋狂爆皮。
待續............ |
提升卡
置頂卡
沉默卡
喧囂卡
變色卡
千斤頂
顯身卡
樓主
嘩..冇得頂....支持再打
