谷氣的一天!

今日同兩個朋友出西貢和尚釣,7點幾開釣,到11點左右見有只魚船車埋黎意為佢想落譧,原來係起番之前落嘅泥鯭籠,唔怪得成日鈎到野但又唔係中石啦,諗位起完就會走啦,點知起完見佢又再落過,仲要圍晒成舊石全部落晒喺我哋唔夠一杆嘅距離,嘩咁點釣呀,已經谷鬼氣,但佢哋為揾食又唔話得佢,點知下午有幾艇人車埋黎,睇真D原來係潛水愛好者,諗住佢地見有人喺度釣緊魚應該唔會喺度潛水掛,點知見佢地落晒水話潛就潛,原全唔理安唔安全同影嚮到我地,好似大晒咁,咁佢地玩咗大半粒鍾之後走咗,諗住可以安安樂樂咁釣吓魚啦,點知大约3點零鐘度,個fd見到佢前面兩杆開海面有兩團白色野好似氣泡嘅野浮吓浮吓咁,唔知係乜叫我睇吓,我見D白色越漂越埋睇真D估係潛水人,嘩有冇搞錯人地釣魚你喺度潛水好危險啫,個海咁大點解個個都要喺度潛架,過咗一陣就見其中一個喺我右手邊十呎左右上水,都仲未夠堅,轉頭見一個直頭喺個fd個浮波側邊出水,個fd即刻鬧鬼佢,佢又潛返落水走人,今日又熱又晒又少魚已經好慘,仲要俾D人嚇走晒D魚,真係條氣顶到上心口,所以喺度講吓發洩吓,其實當時真係好想掟舊石落去佢地度!

其實如果佢地d人仲係你釣魚既位置潛水又真係好危險喎
唔好嬲啦,嬲左唔靚仔架啦

多謝關心先,但D人真係好離譜囉!

原帖由 william 於 2007-6-4 00:13 發表

                               
登錄/註冊後可看大圖

多謝關心先,但D人真係好離譜囉!

係咁架啦d人,你鬧佢佢咪當你唱歌係咪?但係真係好小見d人潛水會潛得
咁近釣魚人仕囉 我5月27日去遊船河咪仲慘,成日有d船駛黎駛去
比d人玩wakeboard攪到我地冇咩點發市,而且佢地駛到隻船鬼咁近我地,
個日又黃雨冇咩雨釣到,我都好慘啦

我會響佢頭頂打粉:打走佢！！！佢吸左粉之後會好滿足就走！！！(我試過！！)

因為魚仔多,已經打到成海粉,佢地都照埋黎嗰吓衰嘛,都唔知係唔係有心玩野,聽車我地個船家講,嗰D人係大埔三門仔車過黎嫁喎,經過呢件事之後我對D潛水人士改觀晒lu.