是日生流，換一個場試釣。

連續幾次星期六都遇死流，釣開幾個位又大風大浪，今日試下換場，地點田灣對開防波堤試試，之前睇過好多文，避風塘水質唔掂，釣到都唔好食，但我實地視察過，向內果邊當然唔會落竿，對外只有幾隻加油船，有外流交替，我估水質都可以。上個禮拜用淨半包粉，上網見到師兄加栗米粒，效果幾好，今日又學下先，希望有唔錯收獲，唔想成日打龜。

本來諗住防波堤釣，點知 set 好晒野就發現唔記得帶攪，失敗，唯有返屋企攞，但再返去又遠，咁就換左個場再釣，希望釣目標魚，點知上親都係泥鯭仔，唉。黑仔黑到幾時?