DSE後攪磯，望高人指點

其實，經過上網爬文都知到磯釣唔係三言兩語講得到，就算打粉，釣組，都要睇天氣，流水，目標魚黎定。
例如有重輕粉之分，水清水濁又唔同，好多時重要溝粉，所以我都唔為難師兄，唔問用咩粉，但係好多時網站定係雜誌都冇咩講打粉打係邊，根據我所知就有三下腳邊，一下出既說法，同埋要打流頭釣流尾，可以避魚仔同埋等粉到釣硼，但係如果輕粉係唔係可以釣邊打邊？輕粉一入水就霧化。
另外，我知到打粉其實好隨手，好難講到頻率，流快就要打密D，但係點先叫密？正常又要幾耐打一次？

其次，釣組層出不窮，見機行事，講用咩stopper,潮受，檸圈等組合當然容易，問題係控絲難，因此小弟從半浮動開始，但係控絲都係有唔明，如果有流，我應該收番（飄左一段距離），定係由佢飄（飛機流唔計）？E個應該同釣硼有關啦。咁就引起另一個問題，點搵到個好釣硼呢，就係唔明點樣搵排口，如果我試唔到有跌級係唔係要走位？

C兄你既問題要成本書先至可以講的曬，如果可以花時間睇書建議搵搵仲有無”超in磯釣入門“呢本經典，小弟系呢本書中獲益良多.......

另外有D舊post可能解答到C兄部分問題：
http://www.fishinghk.com/forum/f ... hread&tid=30673
http://www.fishinghk.com/forum/f ... hread&tid=81841
http://www.fishinghk.com/forum/f ... thread&tid=2365
http://www.fishinghk.com/forum/f ... hread&tid=42946

C兄補充一句，好多時打龜未必同技術或者釣法有關，而系真系無魚埋黎！同一個位無魚試下唔同時段、流水、釣法，熟識個釣場環境自然增加中魚機會

小弟拜謝了

看了（沒看全浮），大概明白，欠的就是實踐了，再次感謝c兄賜教，看來小弟爬文太不全面，c兄引用這網站的資訊回答我，令我很慚愧，亦難怪很少師兄回應，因為答案一直存在，是我沒有看清楚，幸得師兄你不厭其煩，感激不盡，DSE後必加緊練習，不浪費師兄唇舌

補充：小弟看過師兄二段釣組，但因釣技未精，看了很久都未掌握，還是乖乖練好基本的半浮再嘗試，雖然未能掌握，但絕對感受到師兄的耐心，詳盡的闡述，更附有影片，令小弟驚嘆不已。從師兄認真的研究，不論水針，還是呀波都要試不同牌子，價錢，號數，更分析魚訊，都令小弟明白，好事多磨的道理，果然要成功就永遠要再試一次。小弟剩下的疑問會透過實戰解決，希望在底物入季前練好釣技，決戰怪獸。

真正的師傅係去到唔同釣點用唔同的方法，
每分每秒在變釣組也變,
網上學同跟老手學完全兩回事,
我也是入門學習中！

認同

25908723 發表於 22/4/2015 22:37
補充：小弟看過師兄二段釣組，但因釣技未精，看了很久都未掌握，還是乖乖練好基本的半浮再嘗試，雖然未能掌 ...

我成4張幾先至學人搞磯，C兄咁後生有大把時間慢慢試.......
比多條link你，每次去釣魚都留意下當時潮水高低，好有用架 http://www.weather.gov.hk/tide/cstation_select.htm?menu=tidal

加油