巨浪捲海底釣魚郎獲救

http://the-sun.on.cc/cnt/news/20140203/00407_064.html
                                                                                                                【本報訊】新春行好運，釣魚郎避過海浪吞噬一劫。一名釣魚發燒友因昨日年初三「赤口」，不宜拜年，趁機與友人結伴到西貢吊鐘洲磯釣。期間，他被三十呎高巨浪捲入海中，再拖至海底，生死一線之際，幸同伴及時拋下繩索落海拯救，他拚命拉著「救命繩」攀回水面，僅手腳及背部被割傷，經送院治理並無大礙，新年大吉「執番身彩」。
                                       
                               
                                                                                                                                                                                                                                                                                                                                                        緊扯友人救命繩                                                                                事主姓張（五十一歲），數年前開始愛上釣魚，不時相約志同道合友人，到不同釣魚熱點垂釣。昨年初三「赤口」，他不用拜年，再與數名友人到吊鐘洲磯釣，眾人抵達海邊石灘後，即分散在不同位置釣魚。張選擇的位置，距離海面約二十呎高，仍不時受浪花拍擊。
                                       
                               
                                                                                                                                                                                                                                                                        至中午一時許，一個高達三十呎的巨浪突然湧至，張疑走避不及，連同釣具及背包一起被捲入海中，更一度遭暗湧拖至海底，正當他以為「實死無生」之際，同伴及時拋繩落海拯救，張即扯著繩索奮力掙扎，終於成功返回水面，適時一艘舢舨經過，立刻將他救起。他手、腳及背部均被蠔殼及石塊割傷，需要送院治理。張事後憶述意外經過時，仍然猶有餘悸，坦言今次「執返身彩」。
                                       
                               

死硬6之基佬危機

好彩執返條命仔....
安全裝備真係不可少.....！
希望受傷釣友冇大礙！

好彩，安全第一。

真係要買番條救命繩

我自己覺得係報紙佬寫到甘危險

好奇一問...捲左去海底點樣拉到條救生繩

有安全工具非常重要 , 有安全意識就更加重要

daudau 發表於 4/2/2014 12:16
有安全工具非常重要 , 有安全意識就更加重要

小弟2年前同朋友去蚊洲都經歷過，好在有個冰箱同救生衣先執返朋友上船，如果隻磯艇聽唔到我地叫救命，就算浮到都搵唔返佢，夜水，所以少心為上

其實大家再去睇下報紙既詳細報導 話佢係 "冇救生衣".  所以有時釣友要負一定程度既責任.
仲有, 睇過報紙影佢送醫果張相, 除非我睇錯, 如果唔係佢果對似水靴多過似磯鞋.