浮波既size同重量不成正比 _ _ _ _ _ _ _ _ _ _

1B應該最輕, 5B應該最重.

但我發現有d 3B重大粒個5B,又重過5B,點解?

同埋出面好多d比例唔太准.

其實大細及型狀是同乘流性有關, 重量同size是可以不成正比, 因為是同物料有關

樓主所指嘅數值並唔係浮波嘅重量 而係浮波嘅載重數值至啱

你發覺3b同5b重量不同, 但應該將浮波放入海水之後所出來既浮力先至比較準,

但有部份平價既浮波浮力有出入是在所難免

浮波 b 數係浮力值，最好係自己試試準唔準，再作出調教。

3 b 波重過 5 b 波，你指係個浮波既自重?

如果係呢，就唔出奇既，自重高既浮波有佢既用途。

[ 本帖最後由 JL-Crazy 於 2008-11-1 22:18 編輯 ]

原帖由 JL-Crazy 於 2008-11-1 22:16 發表

                               
登錄/註冊後可看大圖

浮波 b 數係浮力值，最好係自己試試準唔準，再作出調教。

3 b 波重過 5 b 波，你指係個浮波既自重?

如果係呢，就唔出奇既，自重高既浮波有佢既用途。 ...

原全同意, 自重不同但同b數既浮波, 是可以在不同環境之下發揮其作用

其實上面版大, 仙人同大少都解釋得好清楚.
我唔講咁多學術名詞等你易啲明.

問題1: 1B應該最輕, 5B應該最重. 錯
浮波上面刻住嘅數字係浮力唔係重量.
即係話如果你有粒3B浮波 (浮力值+0.95g),
咁你喺浮波以下嘅所有野加埋重量有0.95g,
咁你個浮波就會出現所謂[零浮力], 亦即係半浮半沉之間.

問題2: 但我發現有d 3B重大粒個5B,又重過5B,點解? 啱
汽球會大過哥爾夫球. 大, 未必重. 呢個叫[自重]
所謂自重要黎有咩用.
你試吓一棍[抅]落去個汽球同哥爾夫球,
哥爾夫球就飛到冇雷公咁遠, 汽球呢.................
[自重]係操控浮波拋投[穩定準確地送到標點]其中重要一環.
自重高嘅浮波能夠拋投更遠, 更能應付大風場合嘅拋投. 落入水後亦較為穩定.
咁係咪[自重]越高越好呢? 又錯.
[自重]過高又或者浮力過大(B數)嘅浮波係會犧牲咗靈敏度.
如果唔係大風大浪又唔使做超遠投,
你做咩要搞到個釣組成斤重呢.

問題3: 大細及型狀是同乘流性
呢個簡單啦.
個浮波有一半喺水底食流,另一半喺水而面食風.(唔係絕不對50/50,因應型狀負重不同.)
咁面積大就食得應啲,大風大流咪跟住行得快囉.
用個同B數但係細番啲, 咁操控就易啲啦.
相反冇風冇流咪用粒大等佢行番快啲, 生啲囉.
係你對現場大小流向去決定用幾大幾細,

問題4: 同埋出面好多d比例唔太准. 啱
唔好太信數字, 只可用作參考.
假設你個3B浮波同3B鉛同都超準造成[零浮力], 加埋擰圈 鉤 釣餌,
咁又會變咗[負浮力]

以上只係小弟愚見

[ 本帖最後由 ivanlokc 於 2008-11-4 03:39 編輯 ]

有無圖看下?

唔好話唔同品牌、型號浮波 … 同一個品牌、同樣大細、同樣型號浮力值 (B 數) 細o既浮波都會比浮力值大o既浮波為高

呢個係同造浮波物料密度同用金屬去造到唔同浮力值o既正常現象 … 浮力值細o既浮波需要更多金屬物去平衡番個浮力 … 重左係好正常 … 俾一個圖你做例子 … 唔明再問

我有粒咸豐年既浦島丹錐...話就話5B...挾到over一號都悟沉...死未...