29/4/2007 老虎擔干團報導+釣獲 (小魚兒幾尾) [已補相]

29/4/2007 早上4am 落到筲箕灣舖頭收拾好蝦粉, 再補一補d 鉤, 準備出發,

因為出面成五至六級風, 原定5am 船要差唔多5:45am 先返到來接人, 等船o個時碼頭d魚擋開到滿晒, 好不熱鬧.

出到擔干, 真係好大風, 好多位都上唔到. 我和其他隊員一行四人上左擔尾o既一個大位. 此位置我係第二次上, 但係我唔知佢叫咩位. XD

放低野食完早晨全餐跟住就開誘餌, 開好誘餌打幾下落腳邊, 只見小量雀鯛同打浪劑, 唔見老泥.

唔諗得咁多, 出來一心諗住釣網球拍, 所以我開竿set 左個二段釣組搏一搏. 開好竿一行出去, 第一個餌都未落水我已經開始要頂, 係頂風.

技術不足, 咁大風玩唔到放流. 於是就轉釣組落底玩. 一落到底發現原來大量雀鯛伏晒o係底, 化餌速度奇高. 打極誘餌都唔升水. 正當我在煩惱之際, 身旁的隊員G 兩腿一彎, 竿頭直指水面, 玩左十多秒, 小小肥石霎上水, 呀G 一野就彈左佢上一樓. 係就係細條d (過磅結果: 8兩), 但就成為了當日o既首名入球.(有拍片, 不過佢唔比我upload.)

未幾, 隊員大哥軒也中小石霎, 原來此時大家都已經放棄水面, 轉攻腳邊磨住個底來玩. 眼見大家都開始有生物上水, 我開始焦急起來. 於是我加大浮波, 夾重鉛o係鉤頂, 怒啪四五隻蝦仁落去同佢死過. 一帶直釣組, 果然有野拉, 有小小力, 單手玩都幾過引. 心諗今次仲唔係大石霎? 收多兩手見到魚, 原來係磅頭白毛仔. 比左幾百蚊冇魚拿番屋企會比呀媽鬧, 一於小理, 放晒落水池仔養住先.

[ 本帖最後由 TiNGz 於 2007-5-3 00:32 編輯 ]

起完條毛仔之後都冇乜特別, 都係得d 石霎仔. 到了中午, 因為頂風頂到手軟, 我休息一陣. 隊員大頭 就開手竿打雀鯛, 隊員G 就做左幼兒班班主任. 就在此時Tiger 打電話來串場, 話有黃立倉, 一口四五斤上水, 斷兩口... 聽完個電話之後我再釣過, 冇乜驚喜中多幾條雜衣之後收礁.
最後要同Tiger 講聲唔好意思, 因為我有一位隊員突入攪到Tiger o係船要罰企. 哈哈哈!!

Post 住魚獲先, 今晚再補相.

http://www.youtube.com/watch?v=1TIrbptSy_s

[ 本帖最後由 TiNGz 於 2007-5-3 00:29 編輯 ]

d魚好生猛喎師兄!!!!!!!!!!!!!!!!

多謝...............

釣魚唔叫我......

果d石霎好狂野呀

原帖由 飄飄然 於 2007-5-2 16:31 發表
d魚好生猛喎師兄!!!!!!!!!!!!!!!!

呵呵. 的確係幾活潑.

原帖由 wai~~~ 於 2007-5-2 21:45 發表
多謝...............

多謝回應.

原帖由 黃小腳 於 2007-5-2 22:11 發表
釣魚唔叫我......

叫埋你d 魚實比你釣晒啦.

原帖由 wonghcdavid 於 2007-5-2 23:47 發表
果d石霎好狂野呀

你果條最狂野啦, 我仲以為你中大野tim.



多謝各師兄師姐比分, 希望下次釣況會更加精彩. 到時再向大家報告.

唔叫我......下次扣你分

師兄我就遲你2天(5月1日)出，結果是有笑有淚，笑的是當曰很正，風和日曬及海面很滑小湧，可以上平時難上之位，釣時也與你們一樣，細魚大部份沉底，小量上水面，我見到有3指至手板大老泥，于是就想先為搞泥鯭粥打底，誰知就出事，當釣上第3條3指大老泥正准備解勾時，條老泥突然大翻身，很刁鑽地用背鰭刺入左手尾指第3指內側，即時做補救( 吸血、洗傷口、落药)，但都白費工夫，條魚太毒，烈痛3小時，如果有牆的話真想用頭撞過去來分散痛楚，那種痛可以痛上肩頭和入心，結果即時被廢武功近半天，直到中午轉位后才可作戰，我拍擋也被嚇到面青，因為我倆老友幾十年，他知我是很忍得痛，層試過手指受傷在醫院要憑3針我可以不要麻醉劑直接憑，在此公開提醒各師兄弟妹們，擔干的泥鯭要特別小心，今次可能真是行霉運行到手指尾，近30年釣魚未試過痛入骨髓，被魚刺傷過無數包括老虎魚，但都不及今次的痛來得兇猛，下午的作戰同樣要命，好似是上天要鍛鍊我的忍耐力，同行的老友先斷一口大的，后就上口近5斤牛鯭，跟住再上口磅頭黑毛和雜衣，我就做魚童和只能釣上老九仔和班仔，真擺命！！！

個位都幾高喎