本帖最後由 B.BAQUA 於 2012-11-22 10:24 編輯
最近同十年冇釣魚既老豆出番黎釣魚，出過幾次都冇條似樣d既魚，番緊工既某日收到一個好可愛既sms：今個星期日同老豆釣魚好冇？（會心微笑） 
跟手就問下紅萬知唔知星期日有冇團，仲同紅萬講：比我它豆中番2條就得嫁喇，我冇所謂～紅萬就幫我搵左ben哥攪既西貢團！準備出發 
出發當日猛ben哥（ben哥猛哥）十分照顧我兩仔爺，仲彈埋上石幫我地傳野添！  上石後同老豆視察環境後決定釣一陣上船位先，如果起湧先走位
釣左1個鐘左右就做仔既我先中第一口 
上水果一刻仲以為係白立，銀身，尾又有黑邊，點知上完水就變番黑色 
斤半牛屎一條 
未夠2分鐘再中差唔多size既牛屎第2條 
解完魚一轉身望望老豆，叫佢拿拿聲掉去我個位釣，咦喂！頂緊魚喎 undefined
斤半既黃衣好快比老豆ko左！寶刀都老噃 
呢個時候就開始起湧喇！咁唯有用紅萬借我既煮食爐煮個面同老豆食下先啦，食完仲大湧左！
咁無法子啦，唯有人肉轉位！ 就轉左去下面影片既位喇
過到去第一口就中條五線點點，解完魚轉身又見老豆頂魚既喂 
仲要到晒柄！即刻同佢影幾張相先，睇住老豆條魚一直向下插，又唔飛，同老豆2個一心唸住係底物喇，冇死喇 
條魚仲開始插腳邊，因為老豆企果級高，所以比左我頂，老豆就幫我打氣同拍片，頂到上水見魚影我同老豆都笑一笑（車～～黃立倉）唔飛既喂！扮底物？
之後再釣，就魚軍就出動泥猛大既雞魚化我地既餌，得左幾條之後同雞魚一樣既魚訊（慢落）無心一抖（抽都冇抽）之下，嘩嘩嘩嘩嘩係咁出磅頂既
！！！！！！ 
又插底，唔係黃立倉喇掛！！！上水見魚影，又同老豆互望一笑
不過呢條仲大少少,跟著又到食面時間，食食下老豆突然好感足咁同我講一句：阿仔你咁大個都係第一次煮野比老豆食咋 
食完面釣到入黑先再有魚中，由我先拔頭籌再中牛屎一條，再由老豆中2條花頭梅結束今次既 釣行 
到走果陣，真係辛苦晒猛ben哥！非常感激！走左上我地上船位爬山過黎幫我地落船！真係非常唔好意思！！！但點解唔係隻船行外圍搵人。。。。。。。（不解）
最嬲果樣野係個船佬死都唔肯入影片中開頭我面向果個位比我地落船，死都要我地係影片開頭超抄果度落，呢個位我地上幾次都係內糖位上落嫁啦，叫人係個抄晒湧既位落，真係有點那個囉 
去片
http://www.youtube.com/watch?v=gXQ2BkvF3Uw&feature=plc
| 
[複製鏈接]
提升卡
置頂卡
沉默卡
喧囂卡
變色卡
千斤頂
顯身卡
樓主