今年第六水南油

對上5水的魚獲可謂慘不忍睹, 有幾次連相都唔敢影, 今次跟香港其中一個人強馬壯, 實力非凡的釣魚會出遠井, 估唔到魚獲差天共地, 由第一水加到第五水都唔夠呢次第六水多, 真係好高興能夠參與其中, 呢次有拖快艇, 係我的主場, 我真係幸運釣到 25條大眼雞, 17條雞魚, 1條火點, 1條紅鮪, 7條蕃薯, 1條黃鰭吞拿, 6條章雄, 除咗1條35斤章雄用手繩釣到之外, 全部都係用電絞起的, 保守估計全船超過十擔.

由於牛牛舅父人面廣識得人多, 我只攞小部份魚獲, 其餘俾晒舅父派街坊.

好高興今次南油遠井之旅能夠認識到咁多個新釣友, 你哋好好人, 又要請我參加飯局吹吓水, 如果有機會再玩過.

師兄!!!!好好魚獲喎...我好羨慕!!!!!!

正呀師兄~D木錦好鬼靚，不過依水好似無咩班WO~

恭喜恭喜

suiwah,淨你自己都釣2擔魚,但是你釣幾多魚獲都系平分.

好好魚

恭喜

師兄..依家唔係話休魚期咩

下次在釣多哋比大家睇，弓起，弓起{:57_3488:}

勁！！！