本帖最後由 亞昌 於 2011-9-29 21:19 編輯
亞昌 發表於 2011-9-29 00:46
2006年係我獲得最多的一年, 係我由釣水塘轉釣池釣既轉捩點; 亦係釣非釣得最多的一年, 那年年初, 認識了邦仔 ...
2007年, 呢一年係我感覺自己釣技大幅提升的一年!!
無論是在野釣或池釣方面, 由其是在淡水湖釣羅非, 不過該年開始後, 我在壩頭釣到的羅非還要比涌尾釣到的還要多, 不過沒有涌尾的那麼大; 亦都係响呢一年開始, 我可以想像到d魚大約係點樣食餌的, 我自從有佐呢種感覺之後, 知道何時揪竿才會中魚既感覺就開始越來越強了! 魚友們, 當你們可以思考到魚兒係點樣食餌時, 那代表你的釣技已經很不錯了!!
2007年的1月, 一個非常寒冷的一天, 邦仔說要帶我們去錦田野塘釣魚, 說那裡的羅非一日可以釣4格, 結果呢一年我地經常去呢度, 仲將差唔多100斤多的羅非放到上白坭魚場添, 林爸爸說, 這廢塘簡直係台釣人既樂土, 林生隨命名為"慾望之泉"了, 我在這個野塘不斷的練習, 我釣羅非的基本功就係從這裡練習之中所得回來的!!
2007年夏天的兩場釣羅非比賽, 我都唔記得那一場的先後, 好像先的一場是"洗馬路", 另一場是"香港釣魚會"的第一場比賽; 我"上白坭恐懼症"就係呢一年好返既, 在此, 我要好多謝盲b醫返好我!! 那年, 一聽到"洗馬路"比賽喎, 仲有國內同台灣釣手前來香港比賽, 那我一定要參加啦, 不過我實在係攪唔掂d魚餌, 於是我嘗試請教一下盲b, 結果佢一口就答應幫我開餌, 值得一提既係, 盲b係唯一一個肯將佢自己比賽魚餌配方用來替我開餌的前輩, 一顆冇私的心, 不得不讚!!
"洗馬路"比賽當天, 十分大雨, 上半場我釣得很差, 下半場我坐邊2位, 結果下半場釣到個4分, 總排名係60多名釣第20頭, 釣比賽的信心增強了!!
楊生攪的那一場比賽, 一樣落大雨, 盲b因身體不適沒有比賽, 但佢都有黎睇, 我當時又係用佢既配方去釣, 上半場初段釣得不錯, 可是釣了一小時度就斷佐主, 盲b叮囑一定要好好調標, 不要心急, 否則得不償失, 可是我太心急的關係, 好求其咁調, 由於枝標調得差, 我幾乎之後半小時都釣唔到魚, 魚就比隔離兩邊的阿才同kk黃搶晒, 我調好標之後, 好辛苦先上返幾條魚; 雖然輸佐, 不過那次之後, 我既恐懼症就總算康復了! 為什麼呢?? 因為我開始明白比賽魚是如何釣的, 你一定要釣得隱定, 要思考, 要變通; 而盲b魚餌配方我就一直沿用至今, 現在我用的配方只是凍餌, 蝦粉, 昆布絲等簡單的魚餌, 狀態就自己掌握, 我之後幾年的比賽都是這樣釣的, 但都釣得不錯, 所以釣到現在, 我對那些香精, 黑水是十分反感的!! 總覺得台釣基本功是高於一切添加劑的!! 台釣唔練基本功, 到老一頭空, 是對的!!
之後10月"齊哇哇"10週年比賽, 那一次我釣第10名, 該次係我大型台釣比賽有最有排名的一次, 那次上半場有明記同肥貓在附近, 壓力是有的, 結果我都釣到50多磅魚, 值得一提既係, 身陪既明記和肥貓, 魚獲重量係70磅同90磅, 可想而知, 我要响他們身旁釣到魚是十分困難的!! 不過我總算刻服了在高手身邊競技的一次經驗!!
|
[複製鏈接]
樓主
顯身卡
