本帖最後由 亞昌 於 2011-11-17 21:04 編輯
好了, 响08年的野釣落難方面, 我經歷佐兩次好可怕既經歷, 第一次係响壩尾作釣, 那天下午其實整天都是陰天的, 行到壩尾之後就開始下著微微細雨, 但到了黃昏時就開始落狗屎, 當時我心想, 細雨d就即刻執野走!! 有一刻, 我見到好像比較天清, 於是就開始執野, 執完野行到壩尾鐵絲網前都是冇雨的, 但一行到6600時就開始下暴雨, 有去過壩尾的朋友都應該知道, 那處只有一個垃圾站叫做可以比人避下雨, 不過當時我唔想倒後行, 又怕會山泥傾瀉, 於是死就死, 行啦!!
當時我著住雨衣, 手拉車拉著台釣的工具往前走, 在船灣主壩上, 你們試想想當時的情況是怎樣的, 橫風橫雨, 雨水毫不留情咁打落我身上, 好痛, 我雙眼跟本冇可能睜得開, 心知道我唯一的出路就是一前向前跑, 我閉著雙眼都感到閃電閃不停, 就像在我頭上閃過一樣的, 雷聲大得驚人, 當時心裡不得不想, 我會唔會就咁就死佐??
行到4000時, 雨開始細了, 心裡才定了些, 再行到1000時, 天上的星星都出來了, 如果我等多一小時先行就不用那麼狼狽了!!
到了大尾篤公厠時我才發現雨衣袋口載滿了兩袋水, 連底褲都濕到滴水呀!!! 那次係黃色暴雨!!
之後一次就係同亞良, 大強, 客家仔到涌尾, 當天又是微微雨先, 到達釣點之後雨先開始大d, 釣佐幾個鐘都冇咩野既, 又係到黃昏咁上下, 突然倒水, 雨一直在下, 不到20分鐘, 開始大水, 再不用5分鐘, 就山洪暴發, 當時大雨到想執野都冇執唔到, 但都要執, 我地本來行落去既路都已經變成瀑布, 結果我地要由另一條路落荒而逃, 眼前基本上係睇唔到路, 山路又跣, 真大獲!! 那次係紅色暴雨!!
呢兩次釣行真係令我好難忘, 明白到人既力量真係好細, 大自然有時真的好可怕的....
http://www.fishinghk.com/forum/thread-22991-1-1.html
|
[複製鏈接]
顯身卡
樓主
support
