本帖最後由 all-kind 於 2011-9-30 17:11 編輯
釣魚郎DON 發表於 2011-9-26 17:53
師兄、對的！我又肥了、上大陸二個月之麻、肚腩多了一圈！你太殘酷了！哈哈！明天晚上有空炳番轉嗎？有班釣 ...
抱歉, 師兄, MISS 左你的回覆(無收到系統的回覆提醒!),
而家重MISS 埋大好時機, 本週只有週一及週二的天氣無問題, 都思想爭扎了2晚,
到底好唔好去担波仔, 但好怕被龜再咬, 最後作罷.
但今晚起天氣不行了, 按千人台一貫講法:"今天稍後天氣轉壞, 本週後期世界未日.....!!!!!"
都唔知信唔信好, 唔信佢, 去到釣點就是7級風或雷暴, 信佢唔敢去, 就風和日麗......嘆奈何! 
最快週日有得釣, 落小雨毛唔算問題, 但仍有5-6級東風.......再約再約, 小弟隨時候命, 聽候差遣.
未出發先興奮, 先講講釣場, 果樹係西水.
巨獸出沒地點, 為一內灣避流位, 分A, B, C, D, 點.
未到A點之前, 是一段2百零尺直駁位;
A點是個直駁位的盡頭, 加一段短短的斜石駁;
B點是個水面下有天然礁石, 再加碎石的淺灘位; (A/B點相連, 人稱紅鮋灣)
C點是一段天然礁石位, 外出是碎石底; (磯釣都可以)
D點是個訊號燈小平台, 有對扶手鐵通. (可駕竿遠投)
過左D點是個中型魚排位.
由A點到D點約3百零尺直線距離.
而水漲超過2M時, 幾點之間好難行.
現場全無燈光, 唯對岸是滿滿的人間煙火.
尼一帶釣點的師兄們, 都用死齊魚作餌.
而另一阿叔, 我稱"大聲公", 就用秋刀, 專在直駁放地雷, 幾乎365晚都出現.
4, 5 , 6 月時, 佢的魚食都食唔切, 紅鮋7-8斤, 班5-6斤.
曾有一晚, 先中條7-8斤紅鮋, 踏單車攞回家, 轉個頭, 又中一條5-6斤, 又踏單車攞回家,
(修正)在他臨出發前, 就對旁邊作釣的師兄說, 再有中魚就幫佢起, 魚獲歸就佢地!
過了一會, 就當他快要回到架生之時, 遠看看見託付的2個師兄, 4腳担地, 怒指向天, 罵聲四起.......
原來剛才又中魚, 今次是用竿投腳邊中的(魚餌用大眼仔), 條魚好有勁頭, 摶鬥了一會, 總於上水了,
哇, 是條大紅鮋, 重大過頭先條7-8斤的好多, 無死啦, 就直收佢上黎(現場是直駁, 無撈箕), 收到少許,
攪唔上! 放低下水, 又收離水, 就係咁, 重複幾野之後, 就俾條巨鮋斯斯然走nut左.........
(所以我每到一釣點, 未開竿, 總先視察及稔好上魚位置, 結果呢? 硬係打龜收場囉!)
最近就淡靜左, 好疏口, 但都有一口大野, 黎唔切起,
竟然飛Look收場, 其實的look巳經作了有限度加固了,
毀得到加固, 條野都應真唔細........
而就是此位大叔, 曾經地雷中花尾, 30來斤.......
而就是此一帶附近, 巳知的, 有3條花尾上了水......
說到最後, 果樹還是黃昏前到位好的, 可以視察現場環境及簡位置,
因果樹似終唔係碼頭位, 要用炮台架, 請自備油壓電鑽.......
講起碼頭位, 就上次你係迪迪尼果樹, 最好魚(底物)就是橋的兩則,
即兩邊廁所的背面, 碼頭莊柱位及斜石駁中間的果段內河位,
我都幫人撈起條26斤花尾, 又聽說有人上條10幾的盲鰽,
其它魚種就不用說了........
而正正你支竿下面, 就在前年8-9月的某個早上, 見漁民潛水打到條10幾的章紅......
|
[複製鏈接]
顯身卡
樓主
