年初二~~ 一早同peter仔兩個入機場釣~因為呢排機場多黑沙~~~所以點都要入去撞下彩~一去到開好哂野~底都唔試.......因為之前釣過呢度o者~
當時有流~釣棚set22尺~子線12尺,鉤頂加左粒微調~頭兩口餌一到釣棚就飛波~
但只係石狗同林哥....不過食得咁狼~d活性應該都幾高,之後掛底.....
發覺d流慢左落黎~即解走粒微調~全飄~再落一到即飛波,一抽就實哂~
不過條魚唔多肯爆......比我強收左佢5,6手~死魚咁~求其彈下彈下就當交功課比我!!??
唔係~可能係佢鈍o者~差唔多到石邊,佢即開尾,一下飛埋腳邊~不過枝1.2頂得住,
但又拉唔到上水面.比佢爆左幾下,之後我見佢個勢弱左,即刻爭取時間升佢水,
條魚即時撻左o係水面~但佢又爆多一野落去.....你係咪跟得d白立多呀.....
水面再番頭落........哈~不過之後佢已經任我魚肉~~撈上黎影相~~我同peter仔講~
應該有得一條就有第二條~點知佢都真係中~~哈~緊張到佢呢~~
不過好彩都上到黎~~斤幾黑沙~~~之後釣多陣....飛機流.........再加......
白海豚任睇.........四竿出至四百米都見到佢....即時唔多想玩落去...............
真係雪上加霜.....之後諗住轉出東涌釣~但都係冇~~~冇計~~~ |