“魷”閒假期02-10-2012 + 特別企劃-癮起偷fit

“魷”閒假期

因為連續四日長假期由上星期五晚開始已經日又釣夜又釣又磯又筏又fit個人已經謝謝地，點知02-10-2012星期二朝早六點幾又醒鬼左諗下諗下流水又幾好不如近近地hea番日優閒fit魷行順便睇下幫唔幫到支S牌Sephia BB(S牌死忠fans，呵呵)開光。二話不說落樓下嘆個魚柳早餐補給埋糧水就起行~~坐完車行到去釣場都只係九點幾，天氣幾好因為釣場個地形都算係內彎位所以風唔大好舒服。成個碼頭當時只有一個釣友係度玩緊手竿同佢吹兩句水就施施然開竿。~superkao2^

釣點提示: 坐小巴落車行十分鐘可到的小碼頭


一路fit順便練習下唔同手法都冇乜反應，之後都有三四個釣友到達都係玩沉底/紀州釣，我就一路快fit下又慢fit下又hea住fit。投左大約廿幾手fit到近場附近發覺有生物攬隻餌木，個人即刻集中晒直放隻餌木係近場試下，點知一放到底做完第一下動作隻餌木沉緊時已經有反應，一抽中左頂兩手就將獵物飛上水




開光大尾魷一隻因為係開光魷所以冇C & R


之後再渣渣臨解鉤再fit，不過都再冇大反應到中午左右就坐低飲啖茶食個飽同其他釣友吹下水曬下~superkao46^水一路退係碼頭邊發現有小量魷B會追餌木就再試下操fit下班小朋魷，大約fit左幾隻小朋魷上黎同佢地講快d大再返黎搵我算帳就放番晒佢地~superkao5^


之後開始多family出黎碼頭玩唔夠兩個鐘又手竿又投竿又磯竿插左十幾廿支係度......我就睇下之前的釣友玩紀州釣中左幾條手板黑沙都幾過癮。大約三點幾見到差唔多退盡個碼頭又小朋友周圍走又有人放風箏我就走左去碼頭附近個咀位試下睇下有冇......



碼頭附近個咀位水退可以沿石灘行過去


去到個咀位發覺環境唔錯即刻開始努力fit，一路fit見到都有大尾魷追餌木到腳邊不過全部係小朋魷。呢個位感覺唔錯下次可以再試fit或者正式入季可以試玩磯釣fit fit下之後開始起風又搵到大目標就打道回府結束呢個勁hea的“魷”閒假期 (其實係夜晚再有局返屋企攞架生)



開左光啦~YEAH~~~


特別企劃-癮起偷fit

結束左四日“魷”閒假期返工個人都未回魂成日諗住班好朋魷......點知lunch time有朋友打黎話夜晚去偷釣，二話不說即刻confirm一放工就返歸食個飯上陣魚樂網攞架生出發~~~大約八點去到一個比較光猛fit魷都幾出名的碼頭個人即刻精神晒就幫朋友開好支磯竿(因為導緊朋友中磯毒)


當時水比較漲差兩個鐘漲滿，之後自己再開好支餌木竿就鬼鬼祟祟走左去靜水位開始fit，點知fit第一槍就有野攪埋黎中埋收到番黎先發覺原來係針墨當時個位因為有欄杆都幾難飛上黎自己個撈箕又放左係玩磯竿個朋友果邊好彩附近有位都係fit魷的釣友幫手借撈箕撈上黎真係要感謝呢位釣友，佢重話睇住我走過黎fit第一槍就中真係服左我-_-;;我當時只有連番道謝都有小小唔好意思解鉤時重要俾隻針墨"顏射"左一野好彩唔應~superkao4^之後諗住快快手fit多幾手睇下重有冇點知fit唔夠十五分鐘成班人衝入黎碼頭原來李燦森走黎拍戲佢地一路拍我就一路周圍fit不過冇再發現魚訊......可能人又多又嘈又打晒燈......玩到拍完戲再fit多陣都冇就回家了......


支Sephia開埋針墨光，大滿足


ロット： シマノ　Ｓｅｐｈｉａ BB R S803M

リール：　シマノ　Ｓｅｐｈｉａ BB C3000SDH

ライン：　ＹＧＫ　GALIS ULTRA Dyneema WX8 GesoX 1號

餌木：　3.0號大陸妹(日) / 2.5號大陸妹(夜)

我想知釣點
有黑沙

三杯酒？

鯛魚的尾巴 發表於 2012-10-5 07:34

                               
登錄/註冊後可看大圖

三杯酒？

恭喜恭喜

師兄下次去三杯酒果度可試下黃昏水，釣魚或魷有時都會有驚喜。

gsasbb 發表於 2012-10-5 16:35

                               
登錄/註冊後可看大圖

師兄下次去三杯酒果度可試下黃昏水，釣魚或魷有時都會有驚喜。

之前試過斷左一口......多謝提點

C兄有無聽過某過C兄講依個地方既鬼故事

恭喜  恭喜

keith18y 發表於 2012-10-5 23:39

                               
登錄/註冊後可看大圖

C兄有無聽過某過C兄講依個地方既鬼故事

我唔信所以冇所謂~~~

kiza0916 發表於 2012-10-6 07:50

                               
登錄/註冊後可看大圖

我唔信所以冇所謂~~~

唔信就無問題，但係一遇到特別野就都係先走為妙。