大青針BOAT煙拉倉烈日執行大行動

TC.. · 發表於 14/7/2010 18:49:42

本帖最後由 TC.. 於 2010-7-14 18:52 編輯

地點：大青針
日期：13-7-2010
天氣：東南3級

13號大清早，我地一行五人帶齊架生，向住20海哩外的大青針出發，
經過約一小時多飛快既航程，蹬到皮股都開花，終於到達夢幻釣場！

大青針，又名針頭岩，地理坐標為北韓22°1854"N,東經115° 730"，
屬中國惠東市惠東縣，位於大亞灣東南偏南，香港正東40幾海哩的一個海島，
其海床结構是巨型的山脊和岩石，深度由10米至30米。

一到釣場，四圍都海花四淺，有大量煙仔打水，四圍釣艇都在起魚中，
我地9秒9都set好架生，齊齊加入BOAT煙行動！
雖然大青針煙仔體型不及南油大，但係都不能低估佢地既爆發力！

我地大力拋出假餌到幾十尺外，到達魚群位置，接著做出仿餌動作，
一刻中，煙仔已經飛身搶餌，直飛大海！！！
滿弓、出線，絕對南油感覺返左離，因為近來南油釣況慘烈，
所以安排左今次青針行程，正正就想尋回搶手袋既快感！！！

除煙仔外，大型鮫魚都現身，我地見到約1米半身長大鮫黑影升水，
鴻哥裝上鐵板，但係下沉時已經被大鮫輕輕帶走左，多謝都無講句，
由於今次行程低估青針魚種體型，帶備既假餌同鐵板都屬小型，
艇家講，太細的，大鮫看不上眼，慘！眼白白睇住隔離艇又上又斷！慘！

由於是初二大流關係，全日下午流速極快，除煙仔外，根本與雞魚、班等底物無緣，
上次鴻哥起三飛的本領今次就睇唔到，可能要等下次！
約下午3、4點，煙仔釣夠，我地就搵慢流位，後來轉到針邊釣下底！
鴻哥又出招，睇下有無雞釣下..............釣左一陣，雞就無喇，有D大泥猛釣下，
釣到5點，大家都準備收竿回程，鴻哥又發威，滿弓起左條大石倉，問你服未！

今次大青針之行，我地目到水龍卷，由形成到消散不到25分鐘，
過程由突然開始轉風向，天上雲層形成漏斗形，接著海面水花彈跳，
跟住天上下降縲絲狀的氣流雲霧，而海上水花就越彈越高，
好快敢就天海合一，把水抽到天上形成水龍卷，好可怕！