6月15日東涌之~~我都中鱲WOR

大家好 又係我...

我家相公大人上星期有幾日假, 所以天氣許可既就陪佢釣魚喇

最近成個月都龜 連石九都絕左交 想死咁滯

615就去左東涌試下喇...冇都唔怪得人

又估唔到都OK噃...上左幾條斑B(雙牙班?)   同手指頭咁大既泥鯭~~好CUTE

一直以黎, 聽到好多人講鱲好難中...所以一直都唔當成目標 (我好自量既 ), 我相公大人中左鱲我會鄧佢開心, 但我就...算喇...

突然又中魚 , 條魚都未上黎, 當時我相公大人係我6~7步咁遠, 就話: 咦~~鱲WOR...

鱲??我仲以為係大D既泥鯭添    好B既黃腳呀

呢個係全日高潮呀 之後仲有手板咁大既哨牙妹(真名係....?)同泥鯭 都算VERY GOOD架喇~~

一時唔小心仲俾泥鯭吉左一下 真係痛到入心...總算見識過....


最奇係全日竟然一條石九都冇中過 唔通真係絕左交??

所有魚魚都放生喇...快D長大喇

請各位俾多D鼓勵分喇

日水閒釣算OK囉
連釣兩日感覺漲定反退初期好D
都有D磅頭牛牛玩下
黃腳B勁多

                               
登錄/註冊後可看大圖

                               
登錄/註冊後可看大圖

                               
登錄/註冊後可看大圖

(全數已放生)
當日見有黃背大魚(over 30cm)游過幾次,大家估下係何魚種?
太快,小弟睇唔清

幾好玩woo...牛牛係米落磯石打 ?

回復 3# 亞多哥

嘻嘻
第一幅係散石磯(不是前打)
下面兩條先係直駁前打

okok......thanks.....去咁多次直駁, 點解吾上躉玩o下?

回復 5# 亞多哥

我有上,但內子唔太鍾意
加上呢排多數夜釣

上躉舒服D唔洗晒但女仔就唔方便

弓喜先.......

哈哈....上躉系吾好方便

嘟有得玩呀!! 弓喜! 弓喜!!