涌尾的對象魚(一)-----------筍殼篇

涌尾的對象魚(一)-----------筍殼篇

船灣淡水湖自傳出筍殼大咬的消息之後，喜歡野釣的我及一眾釣友均心癢難搔，恨不得立即放下手頭上的工作到淡水湖與筍殼比拼一番，但又有那個城市人能想做就去做呢？那只好在僅存的假日前往，但閒日的假期只好獨自前往，一個喜歡垂釣的我又怎會怕悶呢! 只怕無魚釣多啲!今天本想一大清早前往，但沒料到乘公車是多麼的痛苦，足足要二個多小時才到達今天垂釣的目的地--------------涌尾。



今天本想以泥秋作餌，但連最大机會的大埔街市都無得賣，就唯有用蝦仁做餌，買咗半斤約三寸長既死蝦 ，這個size最適合。經過二個多小時既車程，約11時才到達涌尾，今天的東江水己沒有上星期洶湧，但也弄到近出水口既位置滿佈黃泥水，於是選擇離出水口遠些的位置，近燒烤爐對落附近作釣，現時涌尾既水位最適合垂釣，中午以後太陽光剛好被樹阻隔，就連太陽傘都可以唔帶，放杆及坐既位置剛好係一條水泥行人路，最適合有杆架既釣友。今天選用2支7尺插杆，佩以3000形號魚鮫及3號主線，釣組以2號碳線及大號單鈎，釣組非常簡單，唯一要注意既係鈎要比較大，這樣才可鉤上蝦仁後將鈎尖露出，增加中魚机會。

作釣初期並沒有太多魚訊，有的都是小魚，間中都有一兩下明顯既魚訊，作合得魚，全都是鵝頭9間，筍殼還未出現，故將投杆距離縮短，如是這，到了下午大約四點，一下明顯既魚訊終於出現，心諗，筍殼魚黎喇~~  舉杆作合，魚既戰鬥力並不強，但從收絲既感覺，已確定佢就係一條筍殼魚  !!!!  不消幾下手勢，已經將佢拉離水面，成功入網。  跟住，再向同一位置拋幾杆，再無魚訊出現，而時間都黎到五點喇，又要收拾釣具。

總括而然，雖然今次沒有豐富既收穫，但能夠成功釣到對象魚，已算成功。

係今次既釣魚旅程當中，見到其他釣友，都釣上一條超過一斤既筍殼魚，相信涌尾既筍殼魚，仲有一定既數量，想釣既釣友，就要襯氣溫未明顯下降前，去淡水湖會一會筍殼喇

筍殼超好味~~~！！我好鐘意食架~！！

我星期一朝早等大頭魚至黃昏6:00鐘都等吾倒佢,你真好運比你一擊即中,恭喜哂

恭喜師兄爆釣而歸

師兄,請問涌尾邊個位置呀???我都想釣到筍殼!!!!乜連大埔街市都冇泥秋買呀??仲有邊度可以買到泥秋呢?????

筍殼正呀

粉嶺∕上水睇吓有無!

上水有呀

加油加油

筍殼好食過班..