浮磯釣 - 魚場立倉拖竿走!!!

浮磯釣 - 魚場立倉拖竿走!!!



報告篇號: 浮磯釣0002
====================
日期: 07年10月
地點: 西水魚場
時間: 早上至下午
天氣: 大水漲
釣餌: 紅虫, "祕砌蝦仁", 生蝦
釣獲: 黃立倉x2  紅鮋x1  爛肉疏x1
====================

近排心掛掛, 日日諗住釣魚, 加上有朋友想學下磯釣, 心想之下, 就決定去魚場玩下~
一來可以有一個好地方俾朋友學下釣魚技巧, 二來解下我既釣魚毒~ 話晒心掛掛真係好難頂架!!

大清早入到魚場, 天氣好好, 好清涼, 今日好大風, 水又漲, 心入面諗: 嗯~~ 一定有料到!!

                               
登錄/註冊後可看大圖

放好架生, 做完師父仔後, 就享受下釣魚樂啦~~
我覺得魚場一向係好既消閒地方, 一來有太陽傘, 二來有自來水同食肆, 同新手或朋友一齊去真係一流!!

不過, 一開始已經發覺唔到路... 咁多黃立倉係度玩跳水既??  唔通佢地high左野!!???


一早生蝦完全唔得食, 冇人理咁, 結果即刻轉虫~
行過另一個塘, 係出水位度即刻中一條黃立倉, 好好力呀~~ 因為要教朋友中魚後既對應方法, 結果同條魚玩左5分鐘...


跟住係主塘再中多條紅鮋~~ d牙好尖, 差d就咬到我...

之後全日就係度睇海洋劇場, d黃立倉係咁跳水... 激死既係佢幾次係我個浮波度跳....


唉... 都係斗斗食個麵啦... 食食下... 一沉!!! 嘩, 我即刻準備去拉竿, 正當我想拿起之竿, 成支竿向海飛出去!!!!
嘩... 好在~ 魚場有野頂住個攪, 支竿都只係插水未趺落去!!!!

最後原來係一條斤頭黃立倉~ 好好力!!

之後欣賞日落, 真係好靚~~

                               
登錄/註冊後可看大圖

起多條爛肉疏後, 最後條斤頭倉跳水走左籠, 只係得三條魚~~
但係, 所謂『醉翁之意不在酒』, 魚多唔多唔重要, 因為淨係睇風景及同朋友一齊都已經好開心!!

                               
登錄/註冊後可看大圖

今次釣行就算好貴都好, 都係值得既!!

=============================
新手今日知道, 原來:
1. 黃立倉真係好好力, 同埋食餌好精下...  
2. 魚場好淺水... 最好先試底~ leader唔好太長~
3. 魚場有自來魚架...起碼佢地唔會養爛肉疏!
=============================
新手遇到問題:
1. 點解我d生蝦完全冇魚食既..?? 但係出面礁係好得食架喎...
2. 魚場既魚分怖好古怪, 塘中間可以完全冇魚釣的... 邊位返而多魚??
=============================

好詳細喎師兄 幾時教我呔椅

師兄, 教人我真的不敢當, 分享下也可以~
酒逢知己千杯少, 帥兄有興趣既可以PM我一齊去玩~~

斬樹灣

師兄...呢個悟係西水魚場...係西貢魚場呀...

下次試下買池仔啦...不過自從呢個場拆左個網之後...釣況...

因為養魚關係...Ｄ魚係網都習慣左係網邊...所以正常多數係場邊...

魚場我都未釣過, 真係好想試下~

原帖由 最強幻象 於 2007-10-5 15:38 發表

                               
登錄/註冊後可看大圖

師兄...呢個悟係西水魚場...係西貢魚場呀...

下次試下買池仔啦...不過自從呢個場拆左個網之後...釣況...

因為養魚關係...Ｄ魚係網都習慣左係網邊...所以正常多數係場邊... ...

哈哈, 岩呀.... 我見到d師兄一飛個波去網邊就中!! 好好玩架~~
下次真係試下買池魚仔先~不過請問西貢邊度有池魚仔買呢??

日水都冇乜魚...............大獲!睇黎我d 朋友話呢排斬竹灣真係冇乜魚!

這個季節開始少...你可試下西貢街市...

多謝師兄詳細報告....