個人心得,生蝦可養超過2日(轉貼)

個人心得，生蝦可養超過2日！

以下的養蝦過程，係我從不停錯敗中得出的最好結果，
以五十隻生猛基圍蝦計，兩日後會仲有約四十三隻生存！

必先要有充足的氣，由買番黎開始
(街市蝦要中午三至四點入貨最為生猛，原因是大多街市魚鋪為此鐘數交貨)
就要不停泵氣，水質一定要清，
直至到攞番屋企後，十份水計，抽起兩份水(有用勿到)，
呢兩份水放入冰箱，大熱天時，用來出發日放入蝦箱時用(因原水關系，可直接放入，但要控制溫度勿太凍)，
之後就連氣泵及蝦箱放入雪櫃最下層
(入雪櫃半鐘頭左右後，可較至慢泵，如係插電氣泵，小心使用)，
我講真的，想養耐點(超過兩日)，放入雪櫃前小個便在水中，但唔好屙太多，
如釣魚沙蝦，十份計，約一至兩份尿，切勿加淡水(沙蝦唔同基圍蝦咁粗生)，八至九份原水，
(尿太黃就一份好了，黃的原因可能係你本身熱氣及可能尿中糖份太高，我地最主要係要尿中的激素)，
基圍蝦，十份計，約兩至三份尿，一份淡水，七至八份原水，
(尿太黃就兩份好了)，
頭一日切勿做好人放飯粒及食物入內，主要原因免水淆及免加重二氧化碳，
第二日可放幾粒飯粒/米，幾粒已經好夠，因你會留意到唔係隻隻都會食，及免上句的兩大原因，
如水質還處於良好狀態時，由屋企出發前可放多幾粒飯粒入蝦箱內

全個過程，你只須要記著：
箱內一定要有氣泵不停高速打氣，
箱內的水位不要太高(正常水位由蝦背至水面約三至五寸)，
絕不可水淆，
不能高溫，亦不能太低溫，水冷目的係令蝦處於暈暈地的假死狀態，
祝各位釣得生生猛猛

......之後就連氣泵及蝦箱放入雪櫃最下層.........
=:fo14 :fo14

我多數用濕布包...大多數都可以用一水到回來都未死(一早出晚上返),基圍蝦易養D.
沙蝦真的養唔惦.

朋友B:嘩！D蝦好生猛Wo！！
朋友A:我養左超過2日!!
朋友B:嘩！勁Wo!等我鈎隻落下釣魚先!
朋友B:等等:好以有D怪味!!
朋友A:無野既!方心~~!!
朋友B:唔係Wo！真係好怪!
朋友A:無野既!方心~~!!

大鱼B:嘩！D蝦好生猛Wor！！正! 開飯!!
大魚 A:我 等 左超過2日!!
大魚 B:嘩！勁Wor! 等我 咬下先!
大魚A :等等:好以有D怪味!!
大鱼B:無野既!放心~~!!
大鱼A:唔係Wor！真係好怪!
大鱼B:無野既!放心~~!!
............
...........

多謝分享!!!!:pp21 :pp21

:fo14  咁都有分??

.......啰种花D尿素黎代替人尿好D呱!

thx for share

難道買返黎果d蝦仔係用尿養大????
好嚇人啵~!!!