問撈箕價格的分別~

我見0的撈箕價錢真係差好遠，平至100之內，貴到淨枝柄都千之外都有，
當然我都明一分錢一分貨，竿就越貴越輕同無甘易炸，
但撈箕越貴越輕之外仲有咩貴0既理由?

我只係碼頭直駁位玩，甘我如果我買平到百鬆0的同買貴0既有無分別?

分別你自己都講左la...
不如你講下大釣幾錢睇下有冇人help 到你
再唔係 買左支100內用下先
用到ok 咪ok 囉 唔ok先再買貴d
同睇下你個釣魚既熱誠去到邊...
勁既話買左支3-400玉柄玩住先 無走雞la

剩係一個輕已經值回票價....
再加上廷當然係最重要....
新手既話我覺得買枝平平地旁下身先....
碼頭直駁位唔係成日有機會用到....
但係到你想用既時候冇又幾頭痕....

重可以有咩依陏碌竹 用注平平地先喇

長短已經一個問題！
長料多，都貴ｄ！
短料少，平番！我諗一百蚊以內的撈基，都好難有十八尺！！
我個撈基都係３百幾，買左都有用過！但而家越黎越少用！
釣開果個場冇乜機會中大魚，所以好少用！
師兄吾想買撈基，咪揾個有撈基的師兄一齊釣囉！

長短已經一個問題！
長料多，貴ｄ！
短料少，平番！我諗一百蚊的撈基，好難有5m！！
我個撈基係３百幾，買左有用過！但而家越黎越少用！
個場冇乜機會中大魚，所以少用！

平個D多數都係艇家多數用個D木既/用鋁做個D(加上唔夠長)
貴個D最少都有540(18尺)再長D21尺
而且網靚支磯玉柄又夠挺
十幾斤都冇問題啦
一分錢一分貨如其買支百幾蚊用幾次不如買貴D用耐D@v@
希望幫到你

回復 7# badby


    撈箕唔同魚竿，撈箕唔會被「炸」，保養得好既話(清洗下)，撈箕壽命應該比魚竿長好多，跟你出生入死十年、八年都無問題，

所以個人認為買貴少少都值得，簡撈箕最緊要夠長夠輕。

大家仲差牌子未講WOR~~