日本東京fly之行

復活節假有機會同家人一齊去東京玩, 我就緊係唔放過呢一個機會, 自己同老婆鼠左一日出黎去釣魚~~~由於各種因素的關係, 所以選擇左 "養沢毛鉤専用釣場" "http://yozawa.jp/index.html",
這地方也是在網上認識到一個日本人所推介的, 而且這地方距離我住的酒店也不太遠.


4月4日兒童節當日, 我同老婆晨早5點幾起身, 準備好就6點幾出發, 剛好趕到"特快"的班次, 所以車程一個鐘,
落左火車後, 就要搭的士, 一直都知日本的士貴, 不過唔知要幾貴, 經過今次就知, 約十分鐘車程, 大約2500日元... 即係大約hk$220........
未釣魚先一頸血~~~~~~ 好快就到達釣魚場, 當日溫度約12C左右, 微風, 當我一行入"事務所"裡面, 就覺得好溫暖, 入面有FLY買, 有其他少少用具, 記念品買,
又有免費咖啡任飲.


一日的費用為 4900日元, 但因為職員的英文有限, 剛剛有一個懂英文的客人入來, 就咁就幫我解決好多問題,
更加幫我搵左D FLY係岩用的, 佢話當日會好困難~~~ 聽完之後心都沉晒~~~
攪好晒野, 就開始釣,

呢條河全約好似有2-3KM, 不過我同老婆都無WADER, 只得BOOT, 所以只係可以去事務所樓下的地方釣,
雖然試過去過遠少少的地方, 但係對於老婆黎講, 實在太難行, 所以就只係睇, 無釣到, 不過就見到好多魚, 大約4-50條一群咩聚集左一齊......

水好清, 可以好容易睇到邊到有魚, 全日只係釣到一條魚, LOST一條, 不斷換FLY, WET又試下... DRY又試下....
見到魚係有追FLY, 就係唔咬, 激死!!!!  中的果一條係用DRY FLY, cast去急水流位, 之後就跟住水流飄..... 咁就有魚中~~~
LOST果一條係FLY一落水, 就見到附近一閃, 原來係有條魚好快就衝上去咬FLY,
不過當一中魚後, 條魚就係咁週圍游, 最後跳上水面之後, 就咁..... 走左~
成個過程雖然只係釣到一條魚, 不過就覺得好好玩, 始終都係河試過, 所以一路釣, 就一路學如何控制, 唔錯的經歷....

唔講咁多.... 睇相~~~



事務所





開始set up緊魚杆













之前係便利店買左飯團做午餐... 同埋果度的咖啡





沿途未開的櫻花


呢度有好多魚... 不過好難行, 同埋老婆好難casting, 所以釣左一陣就去返原本果度...


轉返去原本的地方, 無耐就中魚~~~ yeah

















呢d相係我走果陣時係高處度影的

唔知點解有相重覆左~~~

咁正，淨係去睇風景都夠。

           






           曉 !!! 咁耐先出 post !!!
                 等你好狗喇 !!!!    

Fly 出香港. YEAH

回復 3# 遊客


   的而且確係淨睇風景都正啊~~~ 我估果度附近係行山的好地方, 因為我係火車站果度見到好多著住好pro的人, 我諗係預備去行山.... 所以應該附近的風景都好正~~~

咁正，淨係去睇風景都夠。
遊客 發表於 2010-4-9 14:02

                               
登錄/註冊後可看大圖

   








   呢個就o係玩 Fly 其中一個令人噴飯o既地方 !!!!

Fly 出香港. YEAH
HappyClam 發表於 2010-4-9 14:20

                               
登錄/註冊後可看大圖

   






          X 2 !!!!

曉 !!! 咁耐先出 post !!!
                 等你好狗喇 !!!!  ...
bulldog 發表於 2010-4-9 14:15

                               
登錄/註冊後可看大圖

   呢排忙ma..... 我仲有行李都開箱啊~~~ 哈哈....

               







               咦 !!! 你個 眼鏡 ？？？