上魚排問題

我今個星期六可能用屋企人上魚排釣魚

但係因為第1次上排,所以唔會開粉,只用魚餌

我想問下上魚排用咩魚餌最好呀??(買1-2種魚餌)可以上到D咩魚獲??

如果3個人釣要買幾多餌呀?(半日/1日)

上排危唔危險呀?多唔多時候1條魚都冇呢??

上到排多數釣足1日定係半日架?

係唔係多用短竿,筏仔,手絲呀??

因為第1次上魚排唔識野,所以唔該大家幫幫手!!!

魚排用咩魚餌最好呀??(買1-2種魚餌)可以上到D咩魚獲??
南極蝦, 生蝦, 魚肉, 蝦仁 呢D都係唔錯既選擇

如果3個人釣要買幾多餌呀?(半日/1日)
其實好難答你, 如果多魚仔化餌, 就要用多D, 好口既, 又要用多D....

上排危唔危險呀?多唔多時候1條魚都冇呢??
任何釣場都有一定既危險, 上排最緊要睇清楚可以行既地方, 唔好差錯腳落左海
至於會唔會一條魚都無, 呢樣野無人答到你, 等於唔會有人可以保證一定可以釣到魚

上到排多數釣足1日定係半日架?
好口既, 當然會釣耐D啦

係唔係多用短竿,筏仔,手絲呀??
上排可以玩好多釣法, 不過你呢期好似玩筏仔, 可以用筏仔試下丫, 而且筏仔既用途好多時都係針對魚排而設, 係魚排可以發揮佢最大既作用嘛

回復 2# 雅比


    我朋友就叫我買生蝦同青蟲,話都夠釣喎,岩唔岩洗呀?

我就會帶筏仔出去,但係屋企人冇筏仔,所以咪問下係唔係帶短竿就得囉

我洗唔洗帶撈磯呀?個撈磯係磯釣個D長撈磯,有冇用呢?

回復  雅比


    我朋友就叫我買生蝦同青蟲,話都夠釣喎,岩唔岩洗呀?

我就會帶筏仔出去,但係屋企人冇筏 ...
牙豪 發表於 2010-4-8 15:31

                               
登錄/註冊後可看大圖

係喎, 用虫都OK, 放心, 呢D餌好夠做架喇...
短竿都OK, 不過最要敏感D既會好少少, 再唔係, 玩手絲都無問題
撈雞呢家野, 有D排會有供應, 有D無, 你可以問一問,
由於魚排釣位與水面之間唔係太高, 所以如果你支撈雞太長, 可能仲無咁靈活添呀!

生蝦e家野呢,如果係專出怪物會幾好用,但我個人prefer 第1次上就拎1-2兩青蟲,
同埋10蚊死蝦,夠用.死蝦就1隻分開3份唔要頭.青蟲就each time 用尾指禁多作釣,
你可以成條上,但我覺得無咩分別.
你上排都可以拎埋手排上架^^
撈磯e家野,正常係排都有架la,但可能有D私排無,你打個tel去問定先,無就拎支1-2m 長撈磯就ok

回復 4# 雅比

唔知你上過未,我上東X島魚排呀,洗唔洗帶呀??

回復 5# selwynhosh

咁我唔洗買生蝦去??

回復  雅比

唔知你上過未,我上東X島魚排呀,洗唔洗帶呀??
牙豪 發表於 2010-4-8 15:42

                               
登錄/註冊後可看大圖

呢個排我未上過喎, 你上完話我知咩環境丫....

回復 7# 牙豪


    我就覺得無用,我次次上親排,南極蝦點都正過生蝦,
但如果你玩到night 呢,就買埋生蝦

回復 9# selwynhosh

南極蝦係1磚磚個D定係1盒個D呀?

如果我買青蟲,街市蝦剪粒,夠唔夠玩呀?

我只係釣日水呀