平蝦貴蝦 分別到底大唔大?

我想問
平蝦(中國蝦)   同貴蝦(日本蝦)    分別係咪真係咁大呢?
1  隻日本蝦既價位   頂到  10隻中國蝦

你地傾向用邊種蝦呢?
可唔可以講下你地覺得既分別呢?
貴蝦    靚蝦係咪就會得食d呢?


請大家講下自己既經驗    解答一下小弟心中疑問
謝謝

兩隻都有用
靚蝦最大用處係釣人

我想問
平蝦(中國蝦)   同貴蝦(日本蝦)    分別係咪真係咁大呢?
1  隻日本蝦既價位   頂到  10隻中國蝦

你 ...
faizero 發表於 2010-4-7 18:12

                               
登錄/註冊後可看大圖

因無一個統一準則黎衡量餌本究竟值幾多錢架!!
呢個世界亦無一隻係萬能嘅餌木架,呢點同賣價亦無直接關係,
你亦需要知道,究竟餌木係靠乜野黎吸引大尾魷抱餌,
當你有左概念就懂得選擇!!
按小弟小小個人睇法...
我會首選動作,餌木為擬餌嘅一種,
陫型似之外,如果操控下嘅跳躍動作唔自然,
或甚至動作古古怪怪...左搖右擺...沈降角度唔自然...
或操控得好唔舒服...水阻好大...
或做唔到理想動作...咁幾平都死...
呢個係其一基本要求,
第二係品質做工,用一陣就甩皮甩骨,有人覺得無所謂,
反正平野都唔可惜...根本亦會好快葬身海底,
我就唔係咁睇...爛幾隻都夠買隻好野,
而於係咪葬身海底,係睇你技術,
千萬唔好忘記!!餌木係用黎Fit魷,唔係用黎掛底,
至於價錢比較...
坦白講,乜野牌子賣幾多錢叫做合理,
我相信無人答到你...
如果有樣產品比你用開嘅,以上條件又好D嘅,
咁我認為就值得付出多D囉,
我最後就講外觀...呢樣野真係好個人,
品牌官方就一定道理多多,不能夠話無實際作用,
但實際係點...我都唔知....
所以我自己就喜歡以主觀引導,
中意嘅,能力能負擔,就買囉,
事實上日常釣行,當魷信轉弱時候,
多D轉換顏色花款係有作用,
咁做得靚嘅,亦係值得俾多小小錢!!

釣具世界最現實...
賣得貴嘅產品,如果名不符實,
間公司一早已關門大吉!!

我就用平蝦,因為我都係新手,所以唔會用貴蝦住
同埋我玩fit魷都以家,都掛左7-8隻蝦
但係有1樣野要知道,如果你買個隻平蝦係幾好的話
又中到魷,咁咪冇問題囉
如果人地用你D平蝦中到魷,你中唔到就係你自己技術問題啦

因自己能力去買啦，當然品質做工係一分錢一分貨

我中親勁野都係.....出絕招！

我都用開平野..因為剛開始的時候用平..之後轉唔到買貴..
因為貴實在太貴...間中都會掛蝦.. 不過比以前進步了!
所以我見意你先買平蝦..技術改進後少掛蝦再考慮買貴蝦~~

我一直都系用緊便野,一樣中到好多鱿,但系我都建議買靓野!(只要你能負擔到)
因為靓野真系好靓,呵呵!
總之一個大原則:有錢用好野,否則就以經濟為大前提!

我就試過用貴野,
同個FD用平野,係同一個位置(高流灣碼頭)
用肉眼都見到D朋友仔,
我就發現佢地對我只餌木好有興趣,
好快就攬過黎,
相反,我個FD佢攪左好耐都無一口
以上為個人意見

先使平野搞下，熟D再搞几只贵野跟进下。。。。。。。。。。。