心中的天秤

釣魚郎DON · 發表於 28/6/2007 18:01:14

在戀愛中的情侶們，您們有否與過去的情人保持聯絡？是那一種程度的交往?您覺得是對還是錯?害怕回答嗎？
舊愛可能是最懂您的一位朋友、知己。這事實我絕對認同，但我並不會去選擇保持聯絡、甚至我會選擇技術性地拒絕；技術性意思在於拒絕但不傷害對方的心靈。沒有一種交往是對的，相信沒有一個新歡會接納舊愛的糾纏，就算是一個簡單的慰問亦會觸動到情人的心；當警號響起了，他/她會勾起一連串的疑心，倆者間的信任便如骨牌效應般倒下，口角之爭便隨之而起，彼此不再互信又怎能相戀呢？愛便會點滴流失....直至心死！當然這是最壞的推測，十對情侶最少有兩對會幸存，但值得嗎？有時侯他/她來了，大家要沉著應付，一句回覆可能會令舊愛受傷，一句回覆又可能會令舊愛復燃，三角不幸便會發生，更將自已推向兩難的局面，怎解決也會傷了三個心！成熟的去思考，凡事有果必有因，與舊愛之間因有問題才分開，當初能解決的問題，便沒有今天新歡的出現。如果身旁的人可以給您將來，舊的乾脆拒絕吧！何苦為了過去的愛而影響將來的情？！其實每個人去處理一件事情，並沒有對或錯之分，只要懂得衡量，分清得到的比較重、還是得到的比失去的更重，那時您便會知道對錯。

嘉露 · 發表於 28/6/2007 20:27:55

其實我覺得2個人拍拖最緊要係大家信任,互相猜疑只會令大家誤會
加深,而我都好好彩遇到個好好既男人,我同佢拍拖之前我識左1個男仔既,
佢完全冇同我講過佢鍾意我,但係我地拍左2年拖之後有次落disco大定飲大晒,
佢後來先走黎同我講話原來佢係好鍾意我既,只可惜冇同我講,而且係我飲大左
既情況之下佢錫左我2淡係我唔知既,而且佢仲走去同我男朋友講番呢番話同埋
錫左我2淡,咁大家都知個後果會點啦,佢聽完之後嬲到震過貓王,想打佢添,好彩後來
冇事發生,哨住我朋友就走去同我男朋友講要佢對我好d因為佢好鍾意我,過左咁多年
我地3個好彩冇比呢件事影響到,仲係好好朋友咁,而呢個男仔佢係我既守護神永遠
係我附近守候住我,而我同我男朋友都係一路冇野咁繼續咁拍落去,所以我算好好彩啦,
如果我地因為呢件事分左手就會覺得後悔啦,因為1次過失去左2個對我好好既男人

釣魚郎DON · 發表於 29/6/2007 03:08:05

嘉露...喺呢個case....對他和他也不公平....女孩子有裙下之臣是好事..但不要給他們假象...要令他們知道妳無論如何都只會專一地愛一個人....要是他們依然守候著妳...隨他吧.....但相信會汰弱留強。

嘉露 · 發表於 29/6/2007 09:58:38

原帖由 釣魚郎DON 於 2007-6-29 03:08 發表

 登錄/註冊後可看大圖

嘉露...喺呢個case....對他和他也不公平....女孩子有裙下之臣是好事..但不要給他們假象...要令他們知道妳無論如何都只會專一地愛一個人....要是他們依然守候著妳...隨他吧.....但相信會汰弱留強。 ...

你可以放心,佢地而家冇野,仲係好朋友黎既,我地間中都會食下飯咁既,
因為我男朋友既大量所以我同佢可以一直繼續做朋友,而且我男朋友都
知道呢個男性朋友係我心目中個位置係知己既,咁我深信我個男性朋友
而家都唔鍾意我啦,我又唔靚女又肥左好多