盲摸摸,第一次港島區釣行加疑問X4

星期六冇節目,同老婆執埋釣具買兩两蟲,盲摸摸就去左港島區搵釣點.
因為從未喺港島區釣過,邊度有魚釣真係毫無頭緒,一心諗住釣點都係前人搵出嚟,一於撞吓啦
不過都係去D聼過嘅地方

第一站----西區公園
地盤一個,好似呢度都有ching提過,自己冇記性
好彩過dd,警署對出有一小段海濱公園,有唔少人釣緊喎.
唔理咁多,一於開杆.
之前老婆都係用D記小繼DX加個直攪釣壆邊,今日我同佢提議升呢,試吓用前打攪吧
借咗個BJ85俾佢,set好先幫佢試吓,一落餌十零秒就中咗條手板大狗公,ok!
再教教佢點用手指控制出絲 ( 自己都係新手,竟然教人)
嗱嗱聲開埋自己套兵器,打呀!殺呀!
釣咗冇耐~~~點出唔度絲嘅?有便秘嘅感覺
個攪冇事,咁究竟係絲啜住支杆,定係D guide 扣住條絲?
恭請各位ching指教
反觀我老婆已經上咗一條沙鑽B同一條魚毛

                               
登錄/註冊後可看大圖

冇癮又肚餓,收埋D嘢去灣仔醫肚
飯後再去熱門釣點----會展中心!!!
一心諗住可以有幸見到呢度嘅ching們,可以從旁學吓嘢,
唔知係咪今晚個海臭臭地,定係時間唔啱~~~殘念
行到灣仔碼頭見到隻可愛小狗,兩公婆戇居居跟住行
行吓行吓,就到咗----狗公園
又見有人釣魚,呆望咗十分鐘.....老婆撞一撞我手臂:衰佬,手痕呀?
眼見渠口海面有嘢浮吓浮吓,黑嗎嗎睇唔清,睇唔清即係冇嘢啦.
開杆again
上咗兩條連咪,一條坑鰜後打道回府
一日釣行完

多謝有耐性見到呢度嘅ching!希望各位可順道指教吓:
1.點解出絲有問題?
2.整日釣點都有D異味,是否正常?
3.諗住平平地買支前打杆俾老婆,一千樓下有乜好推介?(要輕及唔易炸)
4.港島區釣點有乜要注意?
十萬個唔該!!

西區公園要係停車場入架

原來如此
謝謝

師兄~~~下次我地一定約得成~
By the way~你既便秘我用親支日新450都有成日有~~
用風汐就冇事...可能因為D GUIDE唔係U GUIDE,同唔係痴住支竿~~
不過絲同竿都有可能~~
之前D師兄講打竿立....
同埋D魚絲我有時都會有D特別鞋既位置,我呢排開始就有用暖水浸佢半個鍾,再收番~又OK WOR~!

竿...就...我不嬲都用唔過千~
用緊支日新好輕~好好玩~8XX左右

回復 4# chowwilson

等我都試試去咗之前用耐咗嘅絲試吓
呢個禮拜六早水東涌,有興趣嗎?

~~呢幾個星期六要補課~
要28果個星期六先得~
不過五同日都仲得~~

日吧!
cu

DEAL~!!!!!

咁勤力周圍走ar
不如Buy支博技俾您愛人la....唔係太重又炸咗唔心痛
橫點個時您拿過上手話唔錯....重極力推薦我BUY ga

港島一日遊