今日去維港起釘

16日內第三次去維港大頭艇釣，以全艇魚獲計，今次係最多的一次，主要釣到釘公、石釘、紅衫魚，都算幾密手吓，由於石釘好細條，我放生咗好多條石釘仔，同艇其他釣友我就管唔到喇。
非常感激阿李生特別為我搞呢團維港團，令我重拾信心，因為三日前的維港團釣況奇差，三日後的今天有唔錯的魚獲，值得高興。


今日我釣到十幾條釘公，最大應該係呢條




上午的釣況較差，呢條細鱗已經係上半場嘅大魚，又係我釣呀！哈哈




喺我後面阿廖生，亦不甘示弱，中一條芝麻斑，佢就好啦，中一條已番本，真係恨死隔籬呀




阿李生見到兩位釣友先後中到大魚，唔係咁服氣，向艇家發牢騷，佢話：呢個位唔係咁掂喎，阿艇家不如轉吓位吖，話口未完，真係畀佢中咗條大魚，一上水睇到喇係紅魚，佢即刻開心番晒




個幾鐘之後佢又再中多條紅魚，呢條大啲有2磅重，高手一發力非同小可




阿李生個冰箱爆咗喇




我就釣到好多釘公



其實近近哋去維港艇釣都有驚喜，唔使山長水遠去到咁遠呀

有火車，good

kinane..

你就好喇..起晒釘.恨死隔離.  有倫又見紅.   維港對你有利.

弓起晒, 收穫好好啊.

kinane..

你就好喇..起晒釘.恨死隔離.  有倫又見紅.   維港對你有利.
ahgro 發表於 2009-11-2 00:09

                               
登錄/註冊後可看大圖

其實我去咗三次担杆，都未釣過呢啲size
可能維港對我幾老嚟，亦可能維港有好多大魚釣

C兄恭喜有釘有鱗!!!!

好好收穫!  ^^

真西利....

好似全部都係吞