9月26--27日一行8人組團前往惠東平海釣魚,早上深圳齊人後包車直闖平海港口,簡單午飡後隨即合成兩艇直飛大海(紅排),天公造美,天晴3級東風.船一停,急不及待落絲,不久便有魚上艇,起初只有石釘.石狗.仔,但不久釣魚老手有叔及全哥先後釣到大黄腳,估計斤半以上,隨後疏疏落間中上魚,可惜不久東風加強,浪口愈来逾大.海水變濁,魚不大開口,轉第二個排口情况並不大理想,天色轉黑只好收艇上岸休息,明天再戰.檢視半天戰果,兩艇合計共約20斤左右.
晚飡九餸一湯,其中將釣獲的大黄腳,芝蔴斑仔即晚煮食,其中黄腳真好味,個個食到lam lam咀.邊食邊吹水,熱鬧非常.
第二天早飡後開艇轉往淺水區釣黄脚及黑沙,中午再往小星山,可惜午後起風,水底混濁,魚不開口,影响收穫,全日只有20斤魚左右.魚種同第一天差不多.
两日埋單約40斤鱼,品種繁多,計有黄脚.石斑.石狗.沙鑽.細鱗.火點.三蘇........等等.每位消費690至750元(双單人房不同價).
魚獲相片分享
阿艇家我哋靠晒你喇, 你要釣多啲魚分畀我哋返屋企交差, 如果打龜, 屋企老婆會以為我哋上去滾呀
好彩有魚交代, 斤頭黃腳
第一天部份釣獲, 較大條但疏口
各位食飽啲, 明日一早起身再釣過
最好味就係呢條清蒸黃腳, 各位讚不絕口, 回味無窮
第二日釣況亦不佳, 可喜品種較作天多
雖然今次釣況差強人意,因天氣不理想, 但品種算多, 釣友都釣得開開心心, 希望下月再戰平海, 與釣友交流釣魚心得. |
[複製鏈接]
提升卡
置頂卡
沉默卡
喧囂卡
變色卡
千斤頂
顯身卡
