搜索

[釣技] 艇釣小教學

  [複製鏈接]
魚情未了 發表於 19/9/2009 19:50:15 | 顯示全部樓層 |閱讀模式 IP:- 香港
1)
釣艇及釣點
a)釣艇的種類:
手扒艇仔:  一般黎講由60蚊起到100蚊樓下已可玩足一日,每艇可坐2人,缺點係全人力推動,你有幾多力就可以去幾遠,即係只可在近岸垂釣,扒遠d都會幾辛苦。租艇地點有白沙灣、大尾篤、布袋澳等。
 

                               
登錄/註冊後可看大圖
 
機動小艇:  即係有個摩打仔的小艇,馬力一般由2至4匹不等 ( 4匹以下不用領牌即可駕駛),大部分可坐2人,小數可坐3人。比起手扒艇仔舒服得多,不過由於艇細,去得遠都會幾搖o下。價錢最平約180蚊一日2人艇。租艇地點有將軍澳、東涌、稔樹灣等等。

                               
登錄/註冊後可看大圖
 
大頭艇: 大頭艇即平時見到的木艇,船上有艇家負責揸船,馬力當然比自駕的小艇大得多,可以去較遠及較深水的海域作釣。缺點是艇底較圓,稍有風浪即變得搖晃,艇身亦較高,起魚較難。西貢的大頭艇一般較大,有洗手間及可坐10人以上(可以坐不代表夠位釣), 不過要自己起錨落錨,請小心。價錢約$700一艇,租艇地點有西貢、香港仔、鯉魚門、青龍頭等等。

                               
登錄/註冊後可看大圖
 
快艇: 最適合用作釣魚的艇種,艇身低,速度快(由40匹至過百匹不等),有生倉養魚,而且去得最遠。一般快艇可坐3人,公價$800。人愈多,路程愈遠愈貴。一般來說西水出艇亦比東水貴。艇地點有西貢、青龍頭、香港仔、黃石等等。

                               
登錄/註冊後可看大圖
 
要艇釣好收穫, 先要有一個好艇家, 一般的艇家是不好的. 我們所說的好艇家是指有好的釣魚技術, 熟悉排位, 親切可人, 任勞任怨的一類艇家. 在香港, 出名又好的艇家相信不超過50, 因此如果你是但找個艇家, 你就可能會失望而回.
釣艇: 要有衛星導航(GPS), 同時要有埋測深魚探機. 通常高手艇家兩樣野一定會有齊. 衛星導航可用作找出排位, 排位是海底的一些聚魚位or沉船位, 聚魚位高低起伏較大, 而沉船位則可作為魚類的棲息地方, D通常係呢d地方, 亦即係所謂o排位. 衛星導航的重要乃如此. 一般的艇家根本就不知排位位置的經緯度, 所以魚穫亦很難會. 至於魚探機, 則用作探測水深及對準排位, 魚探機可告知你水下面有冇魚游緊, 十分有用.
另外, 釣艇個engine要大馬力, 方便能快速轉換釣位同減少一來一回的時間.
 

                               
登錄/註冊後可看大圖
      魚探機用來測深及探測魚群

                               
登錄/註冊後可看大圖

     GPS則用來定位
 
2) 魚鉺:
視乎你的目標魚, 但首選生猛, 如想釣大斑就一定要用大生蝦或生猛八爪魚, 千奇唔好鈎死d . 但無論釣咩魚, 最常用的必是生蝦, 但其實生蝦都分好多種, 有黑柴, 有花竹, 有游蝦. 但通常這些貴價大蝦只會用來釣大斑, 若果想釣斤多兩斤的魚, 在魚鉺舗買些小生蝦便可了, 當然小生蝦有很多種類, 有的小生蝦隻眼落左水後會發光, 所以會較得食.  
魚鉺鈎法:
1)
鈎蝦咀:

通常用於鈎大蝦來釣大斑or大魚, 不適用於鈎一般魚鉺舖買的蝦仔, 鈎咀不須將魚鈎鈎得太深入口中, 只須將魚鈎的倒刺剛入了蝦咀便可, 刺得太深會弄死生蝦, 不要以為刺入些會冇咁易甩鉺, 事實上必弄巧反拙, 魚鈎的倒刺剛入了蝦咀其實巳夠緊了.
2)
鈎蝦槍:

蝦仍可保持生猛, 但游姿則不夠自然, 不夠鈎蝦咀好.
3)
鈎蝦背:

不適合於鈎大蝦, 最好用來鈎蝦仔, 鈎法見圖.
 
 

                               
登錄/註冊後可看大圖
魚餌鋪的蝦仔
3) 魚絲及釣組:
a) 魚絲:一般艇釣少用碳絲, 常用的是尼龍絲, 因為尼龍絲較粗較硬, 而且較冇延伸性. 因此用手指感覺魚訉會較為方便,同時冇咁易燒手. 牌子有魚嘜”, 艇釣人大多用這牌子的尼龍絲.
有時遇上些高警覺魚, 如黃脚立, 則難免用上幼絲(即碳絲), 因為立魚見粗絲一定不食鉺(最大用2號絲), 若真的要用上幼絲, 則要小心燒手.
 

                               
登錄/註冊後可看大圖
艇釣一般會將魚絲打上手排(左上) 或膠轆(右上) 最底那盒為釣精口魚的碳絲
b) 釣組
艇釣九成魚都係釣水底魚, 所以用铅同釣組一定係好重要的一環
  首先魚絲一定要由勾尖打向釣背, 唔明我講乜可見圖

                               
登錄/註冊後可看大圖
若果穿錯方向會很難抽中條魚  
散賴—用於釣大魚, 可用作釣大斑, 鉛會用上中通鉛or吊鐘鉛, 子絲的磅數一定要比主絲細, 咁樣當魚鉤勾到海底(勾石))可以保住粒铅, 見圖

                               
登錄/註冊後可看大圖
尖的一方向上可減低收絲時的水阻,加快收絲  
波子壓底通常用於不大流, 不太深水的地方, 否則铅到唔到海底, 好難釣。

                               
登錄/註冊後可看大圖
波子壓底  
頭鈎聽聞鉛頭鈎釣法是由香港人發明(我都唔清楚), 但好肯定, 不大流不深水時用鉛頭鈎釣法是一絕的方法, 也可在鉛頭上面加些夾鉛使鈎更穩定. 同時, 要識打鉛頭勾結, 否則又弄巧成拙,見圖.

                               
登錄/註冊後可看大圖
頭鈎到底後會平躺於水底,魚餌朝上  
4) 釣法:
其實釣法千奇百怪, 幾時要抽絲要視乎對象魚, 有些魚會試鉺, 有些魚會含住舊鉺, 有些魚一口好狠咁咬落去,絕不試鉺。  
a) 不試鉺的魚
例如斑類的魚,6、7 吋長的大黑柴都一口鉺都唔會試, 一口吞落去, 魚訉極清楚, 釣到大斑要即時抽幾手絲, 因為石斑一驚就會走入石, 若不收幾手比條大斑入左石, 咁你條斑就9成冇硬. 釣斑秘訣係鉺要生猛, 魚絲則不拘, 石斑好狼, 粗如意大利粉的魚絲都照食!
 
b) 會試鉺的魚
大部分魚都會試鉺, 試鉺是大部分魚的習性, 魚會試下魚鉺是否適合食用, 是否安全, 如遇上高驚覺魚, 如立魚, 試鉺時間會更長. 如感到有魚試鉺, 要慢慢將魚鉺拉高一至兩吋, 以減低魚試鉺時間. 如拉高一兩吋後突有一下大魚訉, 應即時抽絲, 因這下才是魚在吞鉺. 如胡亂抽絲or在吞鉺前抽絲, 會即時把魚嚇走.
以上的資料來自http://web.hku.hk/~fishing/

評分

參與人數 5金幣 +570 收起 理由
naobao + 50 我好欣賞!!
漁痴 + 110 精品文章!!
ivanlokc + 200 專業包膠!!
Kiangsan + 110 精品文章!!
flyfisher + 100 有用資訊!

查看全部評分

魚竿油 發表於 19/9/2009 20:19:12 | 顯示全部樓層 IP:- 香港
好有用既資料
xxcashxx 發表於 19/9/2009 20:52:13 | 顯示全部樓層 IP:- 香港
推一推先
sam成 發表於 20/9/2009 03:23:25 | 顯示全部樓層 IP:- 香港
多謝c兄指點:pp22
ivanlokc 發表於 20/9/2009 18:54:55 | 顯示全部樓層 IP:- 香港
好正好詳細嘅解說
krabi 發表於 21/9/2009 12:25:16 | 顯示全部樓層 IP:- 香港
非常有用....又學到野
suenming 發表於 2/10/2009 22:18:28 | 顯示全部樓層 IP:- 香港
艇釣教学,對我釣魚知識好有幫助
阿旺 發表於 8/10/2009 23:34:26 | 顯示全部樓層 IP:- 香港
雖然有d野唔update...
但都有用既...
lym000 發表於 4/11/2009 21:08:54 | 顯示全部樓層 IP:- 香港
多謝分享......
路过蜻蜓 發表於 16/3/2010 17:23:03 | 顯示全部樓層 IP:- 廣東中山
学到野啦。。。。。。。。。
您需要登錄後才可以回帖 登錄 | 魚民註冊

本版積分規則

手機版|聯繫魚樂網|FISHINGHK.com™  

GMT+8, 19/3/2024 16:08 , Processed in 0.888213 second(s), 32 queries , Gzip On, File On.

Powered by Discuz! X3.4 © 2001-2017 Comsenz Inc.

System by FISHINGHK.com Since 2007-2-16

快速回復 返回頂部 返回列表