1)
釣艇及釣點 a)釣艇的種類:
手扒艇仔: 一般黎講由60蚊起到100蚊樓下已可玩足一日,每艇可坐2人,缺點係全人力推動,你有幾多力就可以去幾遠,即係只可在近岸垂釣,扒遠d都會幾辛苦。租艇地點有白沙灣、大尾篤、布袋澳等。
|
| 機動小艇: 即係有個摩打仔的小艇,馬力一般由2至4匹不等 ( 4匹以下不用領牌即可駕駛),大部分可坐2人,小數可坐3人。比起手扒艇仔舒服得多,不過由於艇細,去得遠都會幾搖o下。價錢最平約180蚊一日2人艇。租艇地點有將軍澳、東涌、稔樹灣等等。 |
| 大頭艇: 大頭艇即平時見到的木艇,船上有艇家負責揸船,馬力當然比自駕的小艇大得多,可以去較遠及較深水的海域作釣。缺點是艇底較圓,稍有風浪即變得搖晃,艇身亦較高,起魚較難。西貢的大頭艇一般較大,有洗手間及可坐10人以上(可以坐不代表夠位釣), 不過要自己起錨落錨,請小心。價錢約$700一艇,租艇地點有西貢、香港仔、鯉魚門、青龍頭等等。 |
| 快艇: 最適合用作釣魚的艇種,艇身低,速度快(由40匹至過百匹不等),有生倉養魚,而且去得最遠。一般快艇可坐3人,公價$800。人愈多,路程愈遠愈貴。一般來說西水出艇亦比東水貴。租艇地點有西貢、青龍頭、香港仔、黃石等等。 |
| 要艇釣好收穫, 先要有一個好艇家, 一般的艇家是不好的. 我們所說的好艇家是指有好的釣魚技術, 熟悉排位, 親切可人, 任勞任怨的一類艇家. 在香港, 出名又好的艇家相信不超過50人, 因此如果你是但找個艇家, 你就可能會失望而回.
釣艇: 要有衛星導航(GPS), 同時要有埋測深魚探機. 通常高手艇家兩樣野都一定會有齊. 衛星導航可用作找出排位, 排位是海底的一些聚魚位or沉船位, 聚魚位高低起伏較大, 而沉船位則可作為魚類的棲息地方, D魚通常會”嬲” 係呢d地方, 亦即係所謂o既排位. 衛星導航的重要乃如此. 一般的艇家根本就不知排位位置的經緯度, 所以魚穫亦很難會好. 至於魚探機, 則用作探測水深及對準排位, 魚探機可告知你水下面有冇魚游緊, 十分有用.
另外, 釣艇個engine要大馬力, 方便能快速轉換釣位同減少一來一回的時間.
| 魚探機用來測深及探測魚群
GPS則用來定位
| 2) 魚鉺: 視乎你的目標魚, 但首選生猛, 如想釣大斑就一定要用大生蝦或生猛八爪魚, 千奇唔好鈎死d 蝦. 但無論釣咩魚, 最常用的必是生蝦, 但其實生蝦都分好多種, 有黑柴, 有花竹, 有游蝦. 但通常這些貴價大蝦只會用來釣大斑, 若果想釣斤多兩斤的魚, 在魚鉺舗買些小生蝦便可了, 當然小生蝦也有很多種類, 有的小生蝦隻眼落左水後會發光, 所以會較得食.
| 魚鉺鈎法:
1)
鈎蝦咀:
通常用於鈎大蝦來釣大斑or大魚, 不適用於鈎一般魚鉺舖買的蝦仔, 鈎咀不須將魚鈎鈎得太深入口中, 只須將魚鈎的倒刺剛入了蝦咀便可, 刺得太深會弄死生蝦, 不要以為刺入些會冇咁易甩鉺, 事實上必弄巧反拙, 魚鈎的倒刺剛入了蝦咀其實巳夠緊了.
2)
鈎蝦槍:
蝦仍可保持生猛, 但游姿則不夠自然, 不夠鈎蝦咀好.
3)
鈎蝦背:
不適合於鈎大蝦, 最好用來鈎蝦仔, 鈎法見圖.
| 魚餌鋪的蝦仔 | 3) 魚絲及釣組: a) 魚絲:一般艇釣少用碳絲, 常用的是尼龍絲, 因為尼龍絲較粗較硬, 而且較冇延伸性. 因此用手指感覺魚訉會較為方便,同時冇咁易燒手. 牌子有”魚嘜”, 艇釣人大多用這牌子的尼龍絲.
有時遇上些高警覺魚, 如黃脚立, 則難免用上幼絲(即碳絲), 因為立魚見粗絲一定不食鉺(最大用2號絲), 若真的要用上幼絲, 則要小心燒手.
| 艇釣一般會將魚絲打上手排(左上) 或膠轆(右上) 最底那盒為釣精口魚的碳絲 |
b) 釣組 艇釣九成魚都係釣水底魚, 所以用铅同釣組一定係好重要的一環 | 首先魚絲一定要由勾尖打向釣背, 唔明我講乜可見圖
| 若果穿錯方向會很難抽中條魚
| 散賴—用於釣大魚, 可用作釣大斑, 鉛會用上中通鉛or吊鐘鉛, 子絲的磅數一定要比主絲細, 咁樣當魚鉤勾到海底(勾石)時)可以保住粒铅, 見圖 | 尖的一方向上可減低收絲時的水阻,加快收絲
| 波子壓底—通常用於不大流, 不太深水的地方, 否則铅到唔到海底, 好難釣。 | 波子壓底
| 鉛頭鈎—聽聞鉛頭鈎釣法是由香港人發明(我都唔清楚), 但好肯定, 不大流不深水時用鉛頭鈎釣法是一絕的方法, 也可在鉛頭上面加些夾鉛使鈎更穩定. 同時, 要識打鉛頭勾結, 否則又弄巧成拙,見圖. | 鉛頭鈎到底後會平躺於水底,魚餌朝上
|
4) 釣法: 其實釣法千奇百怪, 幾時要抽絲要視乎對象魚, 有些魚會試鉺, 有些魚會含住舊鉺, 有些魚一口好狠咁咬落去,絕不試鉺。
|
a) 不試鉺的魚
例如斑類的魚,6、7 吋長的大黑柴都一口鉺都唔會試, 一口吞落去, 魚訉極清楚, 釣到大斑要即時抽幾手絲, 因為石斑一驚就會走入石, 若不收幾手比條大斑入左石, 咁你條斑就9成冇硬. 釣斑秘訣係鉺要生猛, 魚絲則不拘, 石斑好狼, 粗如意大利粉的魚絲都照食!
| b) 會試鉺的魚
大部分魚都會試鉺, 試鉺是大部分魚的習性, 魚會試下魚鉺是否適合食用, 是否安全, 如遇上高驚覺魚, 如立魚, 試鉺時間會更長. 如感到有魚試鉺, 要慢慢將魚鉺拉高一至兩吋, 以減低魚試鉺時間. 如拉高一兩吋後突有一下大魚訉, 應即時抽絲, 因這下才是魚在吞鉺. 如胡亂抽絲or在吞鉺前抽絲, 會即時把魚嚇走.
| 以上的資料來自http://web.hku.hk/~fishing/ |