父親節

呢個節日對我黎講係好陌生,以我記憶之中自懂性以來好似同我既父親
慶祝過不過於5次,我爸爸而家仲在人世,不過有可能佢係香港係得我1個女,
不過係大陸我唔知道自己會唔會有其他兄弟姐妹,呢個節日其實係想慶祝
好多偉大既父親為左個家庭默默付出,其實又會有幾多父親可以做到咁呢,
所以近呢7年黎我完全冇再同任何人慶祝過呢個節日,因為我最愛既爺爺已經
離開左我7年,每年既今日我都特別掛住佢,因為以前既今日我都一定係同佢過既,
當我知道左佢有cancer尾期隨時會離開我既時候我真係好唔開心好難過,點解我父親
咁唔生性而個天要我爺爺咁早走,佢都未見到我結婚未見到佢個曾孫出世而要去第2個
世界,而且佢係咁多個孫之中最錫既係我佢又捨得唔要我.有時我真係好嬲佢,不過可能係
整定啦,我地大家都唔想,所以咁多年黎我每次去拜佢既時候我都會忍唔住喊既,因為我父親
係中港司機,到而家都係我每個月見到佢都冇1次,係人都知佢大陸有頭住家架啦,而且佢係我
小學4年級既時候已經搬左上大陸住咁濟,而佢攪到我媽咪係我面前飲滴露自殺,成日返親黎都
講錢,係爺爺你可能覺得我始終細唔想佢地離婚所以佢地冇咁做,但係自從你既離開佢地既關係
再差左不過依然唔肯離婚我都唔想再理佢既野,我只係想而家將來組織個幸福既家庭,我亦都唔會
因為佢地既婚姻攪成咁而令我對婚姻卻步,爺爺我真係好掛住你,因為你我先擁有快樂既童年,因為
你幫我擋晒所有困難我先可以勇敢面對所有野,因為你我先夠膽去搵自己真愛,因為你叫我唔好怨
我父親而我都有聽你話我地冇鬧過交不過就冇計傾,因為你我先領略到有父親既滋味有被愛既感覺,
爺爺我永遠都會掛住你,唔好意思因為呢個節日令到我有感想所以講左廢話,不過希望已為父親既人
盡量都抽多d時間比自己既仔女,以免好似我同我父親咁,想補救都做唔到.

祝所有人父親節快樂!

cafu小師妹
呢個世界...本是不公平...
我希望你揾到你嘅真愛...你嘅另一半
唔好因為別人嘅過錯...而令自己唔開心啦

原帖由 雪~姬 於 2007-6-17 14:11 發表

                               
登錄/註冊後可看大圖

cafu小師妹
呢個世界...本是不公平...
我希望你揾到你嘅真愛...你嘅另一半
唔好因為別人嘅過錯...而令自己唔開心啦

好多謝你呀,只係因為今日既節日令我特別覺得
傷感姐,因為親人黎講最錫我既男人離開左我我好唔開心,
真愛我搵到架啦,係我爺爺過左身之後,可能佢知道自己離開
唔想我難過所以搵左個男人守護我,不過我唔開心既係點解做得
父親既人可以咁自私生左我出黎但係又要咁對我,我完全對佢係
好失望,不過放心啦我冇事既

人ga本性就係自私...一樣米養百樣人
cafu師妹...呢種老豆唔好再諗佢啦
呢種北上XXga男人...我真係見過唔少
有時真係唔知佢地點諗...可以放棄香港家庭...而係大陸XX
你就好啦...以經找到心愛ga另一半
我的另一半在那裹呀

原帖由 anglerboh 於 2007-6-17 16:54 發表

                               
登錄/註冊後可看大圖

人ga本性就係自私...一樣米養百樣人
cafu師妹...呢種老豆唔好再諗佢啦
呢種北上XXga男人...我真係見過唔少
有時真係唔知佢地點諗...可以放棄香港家庭...而係大陸XX
你就好啦...以經找到心愛ga另一半
我的另一 ...

有時唔到我唔諗我既家庭,因為我父母真係好煩,
我真係唔明佢地大家都唔鍾意大家點解都唔離婚解決呢,
而且我都好唔明大陸既女人諗咩 個個女人都係有老公既,
佢對得住佢老公既 因為香港既女人會同個老公捱生捱死,
大陸既女人溫柔好多架麻,所以因為我屋企既關係我好憎大陸同埋d女人,
其實我都係好彩遇到佢,因為我地既相識係緣份,我地係網上打麻雀識先既,
估唔到都可以拍左咁多年,好彩既一樣野佢唔會好似我老豆係d咁既人囉

我今日己經推哂所有釣魚節目陪個女了，，仲辛苦過返工呢，佢好似有用不盡嘅活力

原帖由 尾長 於 2007-6-17 19:17 發表

                               
登錄/註冊後可看大圖

我今日己經推哂所有釣魚節目陪個女了，，仲辛苦過返工呢，佢好似有用不盡嘅活力

我都不知幾多年冇試過同佢坐底食過一餐飯