新手多問

大家好,我只係個岩岩學釣既初哥= ="..對釣魚仲係好多問題,請各位師兄師姐師奶師姑多多指教喇
首先我想問下紡車式]釣攪同遠投既釣攪
有冇分別架?我係某個釣具用品網頁見到捲線器既分類分開呢兩個,有D奇怪

再黎想問下釣攪上既磅頂係點用既呢

最後想問下..我有支15-360投竿,SHIMANO ELF既5000釣攪
主絲5號,子絲4號,呢套架生可以玩到灘投嗎?會唔會話支竿太短= ="或個攪唔岩用嗎?

1# 咩羊﹏☆


首先我想問下紡車式]釣攪同遠投既釣攪
有冇分別架?我係某個釣具用品網頁見到捲線器既分類分開呢兩個,有D奇怪

係有分別架，遠投專用攪係某啲設計係係為左令個釣組飛得遠啲而做，例如先杯係淺啲，杯嘅直徑係會大啲。。。等
http://www.fishinghk.com/forum/viewthread.php?tid=18856&extra=page%3D6

再黎想問下釣攪上既磅頂係點用既呢

磅頂係用呢保護條絲，例如絲係10磅咁如果條魚忽然開turbo用20磅力逃走咁點？無磅頂就會斷絲，有磅頂而磅頂設定正確嘅話係條魚開turbo前條絲受力到8/9磅嘅時候自己放絲令條絲去唔度＞10磅，所以唔會斷。懶嘅話可以用手拉條絲睇吓拉唔拉得斷，拉到咁上下個磅頂自己出絲就得（唔好set得太鬆唔係你永遠拉唔到條魚返來）。專業嘅會用個磅/負重呢度。

最後想問下..我有支15-360投竿,SHIMANO ELF既5000釣攪
主絲5號,子絲4號,呢套架生可以玩到灘投嗎?會唔會話支竿太短= ="或個攪唔岩用嗎?

唔會太短，我用15-360投竿以經可以投到80至100米（當然絲同攪係調教過），建議你用著先。睇多啲其他師兄嘅文，玩多啲，到有一日你對啲架生有要求先再買。最候又最緊要多啲上呢吹水。

1# 咩羊﹏☆


首先我想問下紡車式]釣攪同遠投既釣攪
有冇分別架?我係某個釣具用品網頁見到捲線器既分類分開呢兩個,有D奇怪

係有分別架，遠投專用攪係某啲設計係係為左令個釣組飛得遠啲而做，例如先杯係淺啲，杯 ...
triggerfish 發表於 2009-7-23 02:04

                               
登錄/註冊後可看大圖

唔該晒師兄喇

另外想問
掛底後點處理好
上次去屯門碼頭玩..掛底都要搵人幫..好麻煩咁= ="

then想問下
屯門附近有咩野海灘玩攤投
同埋有冇邊d好釣點..方便d架
我剩係識去屯門碼頭果2個平台仔架咋= ="
好想搵個人少少比我試下拋竿..屯門碼頭果度成日人山人海..我新仔成日驚整到人地/ . \"

同碼頭唔同其實真係係沙灘玩係好難掛底，不過如果你真係咁好彩嘅話，1）鬆開條絲 2）等一陣 3）試吓細力抖／彈／抽杆 都唔得嘅話就lock死磅頂將支杆指著釣組方向拉斷子線 （即係唔好比支杆受力,唔係炸杆都有份）

一般哩講所有唔係正式泳灘都得，近屯門嘅話青山公路一帶／龍鼓灘。

好想搵個人少少比我試下拋竿..屯門碼頭果度成日人山人海..我新仔成日驚整到人地/ . \"
咩羊﹏☆ 發表於 2009-7-23 05:21

                               
登錄/註冊後可看大圖

你識得驚整到人地，就即係証明你有安全意識，同埋會顧及別人。呢樣我好欣賞。

你識得驚整到人地，就即係証明你有安全意識，同埋會顧及別人。呢樣我好欣賞。
sydney 發表於 2009-7-23 10:29

                               
登錄/註冊後可看大圖

呢樣好平常姐..

再黎想問下..
我見有D釣組..有幾隻勾..
果D點整架
我剩係識中通鉛>檔珠>檸圈>魚勾咁樣咋

同埋我見D人用果D竿
可以縮埋好短..不過節數多D
果D係咪投竿黎?"..
我又想搵番支..細細支..方便D嘛..
可以得閒過下手癮
依家屋企果支15-360 HOLIDAY SPIN收晒都好長~_~"..