HI~大家好!
有幸參加今次堪稱近年最大型ge軟餌路亞比賽"Berkley Lure Tournament,華人盃",真是十分榮幸~
首先梗係要再次恭喜7哥先la~
我始終都係火喉未夠,要同7哥學下處變不驚,專心釣魚~~~
言歸正傳,講番比賽情況先~
比賽前一天:
嗰日先去網山視察場地,一望,環境俾想像中靚,
喺壩頭,個看塘阿叔倒左D麵包之類ge野落去,D手板菲開始聚集,D魚完全唔驚人
細看之下,外圍有為數十多條曲腰在打圈.
台灣ge釣手帶備左溫度計和PH試劑,温度為32C,水質偏酸~
在水温偏高情況下,間中仍有30cm左右ge bass喺壩邊,扔D白色紙皮石落去仲即刻接剎,
因比對明日ge釣況都頗樂觀.
及後,和對網山bassing有豐富經驗的水哥吹左陣水,得知水底的地形和不同標點的情報,初步擬定明天作戰計劃!
比賽當日:
一抵達釣場,各釣手急不及待開架餐,我當然都5例外
我用一橫一直,橫絞主要用TEXSA+騎兵蝦,直絞就Small Rubber Jig
Spinning Tackle:
Rod: Slicer SS632-ML
Reel: Shimano ULTEGRA ADVANCE1000S
Line: Duel X-wire #0.8
Leader: Duel漁業者專用ハりス #2(With FG)
BaitCasting Tackle:
Rod: Slicer SC652-M
Reel: ABU MORRUM SX1601C
Line: YGK ????? 14lb
各選手陸續攞左主辨單位ge soft bait就各就各位,我選ge第一個位係尋日見到bass ge壩頭,
一落到去,仲見到有bass喺旁邊,放出足夠ge絲出杯外,rubber jig已經喺bass ge頭頂等待裁判ge雞聲
"B~~~~~~"條魚應聲咬餌,一下迅速而清翠ge抽竿,魚鉤正正打在上顎正中,著鉤點得分:100分!!!
拍照後放魚,第二槍rubber jig落在木船邊,水底為一條大落差ge混凝土牆,以超慢抖動,
"噗...",提高魚竿以確定rubber jig喺bass口中,抽竿!!
1000s相應出drag,強勁拉力告訴我此魚並非善男信女,收多幾手見魚,後面ge水哥大叫"50!!!"
我全神貫注,努力應戰,收到腳邊到達關鍵時刻,左手一夾,條魚嘗試搖頭以擺脫下顎異物,但最終都被我一下KO~
50cm上水!
由壩頭向左望,大家都不停中魚,尤其以台灣釣手中得較多~
第三條同樣以超慢抖動方法得手,小bass順利出水~
各釣手不停釣後放加上氣温急昇,令釣況急速直下,我開始5知點釣......
唯獨台灣釣手仍間中有上魚,我釣到悶悶地走過去同7哥一齊釣,原來佢已經中左5條
中場休息後,9:30a.m.~
在bass低活性下,不同釣組,鉛重量,鉛與鈎之間距離,鈎ge大少,軟蟲形態,顏色更有決定性影響
參考中魚最多嗰個釣手當時ge釣組為小夾鉛+Swimmer Mullet(Chartreuse)剪尾+超慢郁,確實有不錯收獲~
我照板煮碗以同樣釣組作釣,拋了兩三槍仍然冇咬口,此時太陽更是如狼似虎,我決定要塗由7哥提供ge青蘋果香味太陽油
花了半分鍾左右回身在背包拎太陽油後,提起魚竿發現竟然有魚訊,一抽,第四尾上水,Berkley GULP!果然係玩味!!!
同樣地,台灣釣手仍間中有中魚,但咬況愈來愈疏落,大家都換位作釣,我在第四節頭段同樣以打沈底手法釣獲第五條bass~
第四節尾段實在精采!7哥以3"Goby+小物 X yellow fin jigging手法連續釣獲三尾Suspending bass,旁邊的台灣釣手(第三名)都不甘視弱以慢收同樣釣獲三尾bass
最後雞聲一嗚,完場~
二三名同樣釣獲八條,但7哥以頭輪魚獲較多力壓第三名得1st runner up!強!
終於打完...... |
顯身卡
樓主
..... 
快d 出埋下文啊!!! 
