點樣去判斷一個釣點有冇魚釣? 流水又點睇?

何謂生流同死流? 點樣睇?

如題:點樣由釣場既環境去判斷一個釣點有冇魚釣?


honam0125 發表於 2009-6-7 19:19

                               
登錄/註冊後可看大圖

點樣由釣場既環境去判斷一個釣點有冇魚釣?
可以答你係冇既定方法嘅.

一般黎講, 理論上都係大生流好釣啲,
水中含氧會高啲
潮水又會帶好多食物比啲魚, 等佢地唔使周圍搵,
理論上係會開口啲.

但水流太強又不利於操控釣組,要搵位避流, 魚亦唔會出哂力去追你口餌.
相反死流就可以去平時流水超強嘅釣點.

大自然係變幻莫測嘅, 我試過出外島, 大海汪洋中,
放粒細鉛可以直哂沉到底.

結論係:
我地多啲理解海洋, 地理, 天氣同魚類生態種種微妙關係,
對釣魚會一定幫助,
但臨場適應及調整係相當重要.

上排通頂冇魚釣，就會有呢個情況發生
wild_dog 發表於 2009-6-8 04:03 PM

                               
登錄/註冊後可看大圖

好在我無性趣對呢味野...

勁呀各位師兄, 係度真係學到唔少野

氣候好多前輩就講晒

但係環境地理方面有冇師兄交流一下

獲益良多!! 但是是否在生流時, 所有魚會特別開口呢? 為何點解有時聽到所吹的風向亦會影響到釣魚魚訊呢?

暴風雨過後或海底有強烈水流, 魚船拖網後等等..............
會做成水底海床混濁, 魚類多不願停留, 或介心加強.
炒底水濁好難開口.

海洋氧份主要來自海水沖刷空氣而溶合,
即係如海水拍打岸邊炒起白泡, 風吹起白頭 ...
ivanlokc 發表於 2009-6-8 15:37

                               
登錄/註冊後可看大圖

咁以師兄既講法~會唔會係落雨/暴風雨過後既一日
會係釣魚既好機會呢~?
因為係"炒底"發生後,魚既戒心強左~所食既野自然減少~咁可能條魚都餓左一陣~
咁係之後o個個早上,水變清晰既時候,會唔會係佢地開口食野既好機會呢~?

氣候好多前輩就講晒

但係環境地理方面有冇師兄交流一下
honam0125 發表於 2009-6-8 20:19

                               
登錄/註冊後可看大圖

香港水域大部份都係沙泥底,
一般魚類都唔會長時間暴露喺冇屏障嘅環境,
覓食同棲息嘅條件亦唔理想.
所以排口就係大部份魚類聚集主要嘅地方.

所謂排口就係海中有高低起伏嘅地方.
如: 突石, 珊瑚礁, 沉船,

水中有唔同生物共存, 覓食同棲息理想,
近岸如係石位, 或附近有溪流引來食物都會有魚類覓食.

亦有一啲魚類係唔靠排口生活,
如一啲迴遊魚, 倉魚, 吞拿, 烏頭, 幽面, 鱸魚.
底棲魚有, 沙鑽, 左口, 牛鰍.

出艇釣船家一般會車你去排口, 沉船位.
岸邊就要睇你想釣咩魚.

磯釣就一定搵流水好嘅石位啦,
沉底就沙灘都有得釣,

畢竟人類對於海洋到嘅了解程度目前仍然唔足夠,
我所講亦都係一般理論.
釣位亦唔會一眼就睇得出咁犀利,
(有你話我知)
今日好釣唔代表聽日都咁好.
所以釣位係要不斷嘗試,
用經驗同技術去克服釣場變化.

由於你嘅問題太空泛,
我其實答你唔到.

獲益良多!! 但是是否在生流時, 所有魚會特別開口呢? 為何點解有時聽到所吹的風向亦會影響到釣魚魚訊呢?
ekin66 發表於 2009-6-8 20:48

                               
登錄/註冊後可看大圖

生流係會比死流好啲, 但係都要睇咩位.
漲潮會比退好啲.

由於風係會對流水產生影響, 即係話起風或轉風流向會唔同咗.
天冷時大多會吹北或東北風, 風力亦比較強,
風浪太大時, 魚都會搵地方避吓.
夏天吹南風嘅日子就好啱釣喇.
風亦會影響水溫, 魚類會因為水溫改變而游去唔同泳層.

咁以師兄既講法~會唔會係落雨/暴風雨過後既一日
會係釣魚既好機會呢~?
因為係"炒底"發生後,魚既戒心強左~所食既野自然減少~咁可能條魚都餓左一陣~
咁係之後o個個早上,水變清晰既時候,會唔會係佢地開口食野既好機會 ...
阿積 發表於 2009-6-9 04:37

                               
登錄/註冊後可看大圖

你咁諗係啱嘅, 一般風雨過後轉晴係出擊嘅理想時機,
但係炒哂底可能一兩日後先會開番口.

動物係有預知天氣嘅能力,
魚都會感覺到天氣會唔會轉差,
所以風雨前都會開口食定先.

我覺得最難既反而係搵排口 (我玩近岸遠投)
係水面好難掌握水底既情況, 有時可能掟成日都搵唔到
拖餌又唔到邊度先係一個有利既位置

我覺得最難既反而係搵排口 (我玩近岸遠投)
係水面好難掌握水底既情況, 有時可能掟成日都搵唔到
拖餌又唔到邊度先係一個有利既位置
honam0125 發表於 2009-6-9 14:18

                               
登錄/註冊後可看大圖

師兄
呢個就係釣魚嘅樂趣同真義.
係要用好多時間去尋尋覓覓架.

如果我話比你聽唔使理咩傢生,
求其搵粒鉛, 唔使理幾號絲,
就咁勾件咩肉都得, 掟佢落海,
咁就會有魚食.
你覺得有冇樂趣.

釣魚好玩就係太多未能預知嘅情況會出現,
你要克服嘅並唔係個大自然................係你自己.

喺過程裏面學習, 思考,
然後有突破, 印證自己嘅技術.
咁釣番黎條魚先有滿足感.

努力