15/5-17/5 遊船河,食白菓

日期：2009年5月15至17日(星期五至日)
農曆：四月廾二
時間：10:00pm - 5:30am
釣手：james, joe 另加14位釣友.
釣點：南海油田 ( 中井及八支椿 )
釣法：艇釣沈底. jigging
釣餌：池仔.南極蝦.
天氣：東風3級後轉東南4級；天晴22度.
水質：藍葯水.
釣獲：牛廣 x2, 章紅 x 1,鬼頭刀 x 1,青班 x 2,雞魚(大量) 及大池(小量).........共約三擔

本來呢次釣行講好左由釣友eddie出嘅,可能佢怕醜,咁就由小弟代勞啦,呢排手緊,各位師兄睇完加d分啦

後記:今次我哋得條3條友,所以報散客團,上到船原來有幾個釣友都熟口熟面嘅.當日攞唔到絲筒仔,剩係得池仔.個心又凉左截.



隻船行得好慢,第2朝9點幾先到中井,落繩無生命反應磨左3粒鐘剩係得華哥中到條幾两青班,跟住俾拖boot趕.船家轉位去八支椿.



响八支椿都一樣無景,釣友用探魚機check底,嘩!一望無際,乜反應都無.我哋唯一可以做嘅係…..磨.响咁悶嘅情況下,拖boot又嚟,都成3點幾囉,無位可走,唯有大家對峙住嚟鬥長命......



拖到6點幾,拖boot收皮(其實係收工).亞Q話我哋用時間換到空間,算贏^x%#!*^ ,贏左又點呢,釣多2粒鐘,全船加埋中到1條3斤雞 & 1條幾斤章紅,另加拾幾條大池……轉位返中井過夜.



返到中井,開始有雞魚食餌,博命啦,如果唔係真係遊船河食白菓.結果全船釣沈底嘅都白菓,全部重火傢架得個擺字.


釣艇….算乾凈,不過行行下壞左個電球,全程行5 knot.慢過海龜.就係咁回程又拖返條鬼頭刀喎.


總魚穫…….3擔 - 其中2擔半係鷄魚



個人魚穫…….. 雞魚x12, 大池x2......共約廾零斤

過程睇落都幾悶, 慘 >>>>>>>>

所以...叫雞都悟包係女人...有幾條雞玩下...好過無啦...

我重慘啦!   3條雞,  大池仔我無要

起碼有收獲

C HING，
果日有D 船喺老井得幾十斤魚，你哋算OK 喇。
加油，加油！！
努力努力！！

過程睇落都幾悶, 慘 >>>>>>>>
jb007r1 發表於 2009-5-23 15:15

                               
登錄/註冊後可看大圖

o.k啦,同漁痴師兄有傾唔完嘅話題,釣下魚,飲下嘢.......好舒服

所以...叫雞都悟包係女人...有幾條雞玩下...好過無啦...
最強幻象 發表於 2009-5-23 15:15

                               
登錄/註冊後可看大圖

2粒鐘内同12雞交手,我係叫雞超人

4# 漁痴
15/5 - 17/5 = 3日        釣3雞... 平均1日1雞 ..................

8# joesiu
c兄, 過2招比細佬傍下身好喎.................