1/5 勞動後 既 收獲

時間 : 1/5/09 10:30 - 17:45 (日水)  &
           18:00 - 23:00 (夜水)
地點 : 西貢內海周圍釣
魚餌 : 生蝦仔

一早起身... 安排好糧水搬埋部 2.2匹仔就落艇仔出發, 但一出 部機又唔著唔係又黎呀有機都要扒艇仔 搞左 足足15MIN.. 先比我拉著嚇得我呀, 可能係我自己入油滿過頭. 下次都唔好咁滿 .. 一出去就去放個魚籠 - 裝下魚先(上次裝過2條油追架)... 跟住去釣到章紅位睇下又無料  -  係無料既, 再去紅魚位  -  又無料.. 釣到灰灰地唔通天氣咁好無料黎.. 為有飲下個軟冰袋D 啤啤先. 提一提神... 跟手去防坡提釣下!! 又等等等... 第一條魚係條火點仔, 等咁耐有魚啦.. 滿懷希望又等等啦.. 突然副粗絲極快飛左落海... 捉都捉唔住.. 好快係海拎上黎可惜已經斷左啦. 又好失落咁等等啦!! 又一口大魚食餌.. 可惜又 chok唔中 .. 又要飲罐野消下條氣!! 釣咁耐得一條..唉 !!  釣到 2點幾.. 連住比我中到 3條 上到碟既石蚌.. 真好彩 平時係度釣都係最多 1條... 依家一起就起 3條勁開心呀... 唔驚無魚拎返屋企 lu  之後釣都咁上下都無咩大野.. 而夜晚又無咩野做就問漁友殼 釣唔釣魚啦.. 佢話 ok !! 咁就打比屋企叫人拎 d 魚返去食啦不過自己無份食!!  
咁 又周圍去釣下啦... 不過都係無料, 係19:10左右接埋漁友殼釣啦!!  釣到尾聲都係得 2條手板黃腳我重留左條石蚌比魚友殼... 去到最尾釣點我地 發現個裝魚個魚袋唔見左... 唔係呀又唔見左, 之前漁友殼都唔見過幾次啦. 但我個魚袋既設計係插落支鐵因個袋好大但佢可能就咁放左落海無插實...  唉... 蠢已經算啦, 重要豬成咁..又無左個大大魚袋啦.. 好彩我果份魚拎左返屋企唔係重灰呀  
事後屋企人話條石蚌好好味重要2條蒸晒食淨小半條... 聽到佢地食得開心我都開心番!!   不過玩足全日就真係有d攰..哈!!

c兄架艇幾過引喎

講真自己同埋個fd兩三個人一齊出海玩返日都OK嫁！我都想攪返部四匹仔玩返轉

恭喜師兄釣到好好味石蚌

釣魚除魚獲外~~最重要也能享受過程~~~家人食到自己釣既魚~~真係好開心ar ~~

c兄架艇幾過引喎
jb007r1 發表於 2009-5-4 14:40

                               
登錄/註冊後可看大圖

有左呢架艇仔.. 依家內海釣魚都方便.


回 磯魂 C HING:

有架艇仔加部機真係好正... 但C HING 要有位泊架艇先得. 唔係都幾麻煩!!

回 多多 C TSE:

講得真岩... 我釣魚真係 係自己興趣, D魚獲通常都比我屋企人食因佢地都好鐘意食海魚架!! 同人分享真係一件開心事.

c hing架私家艇又立大功la

幾好魚獲喎

C HING 請問一隻2匹幾多錢到呀? 4匹使唔使有牌?

C兄內海釣過左魚`排味!!!

自己艇真係方便我係神探