三月八日早上九點在上水火車站與幾位網友會合後, 兵分兩車向梧桐河進發, 第一次嘅飛蠅釣行就咁開始!
當日天暗有雲, 好在冇雨, 亦慶幸天氣比較涼快。首先同幾位未曾接觸過飛蠅釣嘅網友解釋基本動作, 與其它釣法唔同嘅係要着重揮竿手法。咪以為絛線在頭頂上飛來飛去好容易, 如果節奏不合, 絛線想飛出十呎八呎都唔掂喎。
當日我絕大部份時間都係左走右走指導飛竿手法, 提竿在手時都只係做示範動作, 根本上無時間作釣。哩啲情況, 早就預咗! 好在幾位新手都全心全意學習, 亦非想即時中魚。期間我又要同另外已有基本認識嘅人講解如何更正揮竿手法及在中魚時應該點樣提竿同絛魚博鬥。在休息時, Mabel 把竿放在堤邊, 而毛鈎卻浸在水裡, 在傾談中, 忽然見到竿頭一沉, 再一拉, 竟然在冇心時中了一絛斤多重嘅羅菲, 真係為佢開心, 可以第一次領略到毛竿中魚時嘅手感, 佢玩咗幾分鐘亦成功把魚帶到岸邊, 在其它人幫助下, 同絛魚一齊影相後便放回水裡讓它游走。當日同遊嘅人亦各有魚獲, 全數係斤頭重嘅羅菲, 過足手引。
全日可以話响歡笑聲中渡過, 直至下午五時多, 收拾釣具便作回程, 大家步行去火車站, 有講有笑。 當中有人提到要把其它釣具出讓, 專心放在毛鈎釣法上, 我嘅心情, 唔洗多講, 梗係...............好開心囉!
我要一提嘅係好多謝網主當日專程嚟到釣點鼓勵一衆釣友同影相。爆叔........多謝哂呀!
現在嘛, 又要諗吓下一次嘅釣遊日子同釣點呵!
花絮片段及相片,請到此處
http://www.fishinghk.com/forum/viewthread.php?tid=31997&extra=page%3D1 |
提升卡
置頂卡
沉默卡
喧囂卡
變色卡
千斤頂
顯身卡
樓主
, 不如快D為下次做準備他! 
