野場夏夜釣蝦簡介

分享一吓...我自己在用的夏夜釣沼蝦的裝備
因釣點多屬狹窄位置
釣竿我會帶兩支...3呎及6呎
因為好多時腳邊就有對象出現
超短竿係必須的

燈具係夜釣必須的
呢個係有三色轉換夜釣燈
又可以ZOOM
至於尾部的夾具係GOPRO用的
我自己改裝加上去的


止血鉗係解勾必須
當你俾蝦夾過又爆缸
你就明白有幾重要

釣組+螢光棒的膠套

如果唔用螢光棒
亦可以用紫燈照住釣組的目印

勾方面關鍵係三個字
輕...幼...利

拍照觀察亦係過程重要一環

紅蟲可以打橫勾上去

亦可以由頭套進去

應用不同大小的螢光棒
介心低可以用線色
介心高可以用紅色
水深亦可以用大支的

魚餌用肉粒都可以
魚肉,蝦肉,豬肉,南極蝦...等等...
近期用新鮮紅蟲就最正
每口餌用一條就夠
呢D鮮活紅蟲上淘寶就買到
不過要送到深圳代收點
之後自己上去自取
返來我會小分量分裝冰鮮
解凍後蟲身狀態都一樣咁好

收納釣組的盒

打水袋養蝦

亦可以買日系釣組

小摺櫈亦係必須的


講講釣點選擇
呢類蝦多數出沒於靜水溪流
水底佈滿石塊及枯葉就最理想
就算水淺都可以
喺香港呁多溪流環境下
要搵釣點係好容易
就算係好近市區好近民居地方都有
如果你唔驚鬼...墳場裡面溪流都好
有d釣點坐地鐵都可以到達

安全注意
始終係夜釣,以下有幾點大家務必要注意
天氣欠佳千萬不要作釣
千萬不要單人作釣
不要及不需深入溪流上游作釣
越接近下游及民居地方越好
有突變情況退出越容易
要帶備足夠裝備
香港溪流水質並唔係肉眼咁乾淨
去玩吓就可以
不要食用!!
絕對要保護釣點環境
保持清潔
不要污染水源
帶走一切垃圾
長釣長有!!

作釣個人分享
呢類對象如果釣場係有
一見到餌就會馬上靠過來食餌
如蝦量較多就會互相爭奪
基本上個釣組就會俾蝦帶住跑來跑去
你就要好好判斷作合時機
其實同釣泰國蝦差唔多
不過野場始終不是釣蝦場
野性特別強烈
石頭縫係要注意標點
巨物有機會深藏其中
此類蝦鉗係非常非常非常鋒利
切記切記切記小心