初試變塗

好耐之前已經對呢種漆工產生興趣,趁住DIY呢個簡單微釣拉餌盤,咁就試吓喇！！
內部都好簡單,粘好磁石再封上一塊鋁片就攪掂,戲肉在外層上漆工作,參考網上資料及短片,咁就慢慢做其實唔難,最重要有心機,因為第一次做預計唔到完成效果,過程中都係患得患失,隨住上好漆後打磨,效果慢慢出來,推光後自己都滿意,第一次試做超額完成！！
至於個拉餌盤如何安裝上個木釣箱上面,我仲未有最終方案,再慢慢諗吓先...