故園風雨後

溪流算係最受風兩影響嘅釣點,一個颱風就已經可以將溪流地貌完全改變,大雨大水亦會影響溪中魚群,所以經歷過惡劣天氣洗禮後,我最喜歡親身去體驗一吓,當然希望大家要非常小心注意,呢個時候溪流危險性會增大,落石斷樹,水色不清深淺不明,水流變急,等等多種因素,一定要千萬留意,不可獨行及勉強行事！！
今日下午去體驗幾個鐘,好明顯標點已好大改變,要釣到魚要重新探索標點,慢慢試慢慢搵,特別係體型較大嘅群落。
至於魚嘅食性就起左明顯變化,因被大水沖刷,水色變清,溪中雜物被沖走,魚顯得敏感小心又飢餓,如何攻破平衡點就係好玩之處,水面系毛勾基本上效果欠佳,因兼顧流急,我選用銅頭若蟲,拋住較遠標點後待深沉後靜待魚的攻擊,果然策略成功,亦釣上不錯體型目標魚。