試竿日

今日可以試吓支Tenkara USA SATO,手感相當唔錯,平衡做得相當好,有人話成日要追求輕,其實平衡先至最重要,做得好的話,除左喺拋投上體驗到好處,中魚作合反應上你亦會感受到,基於竿身設計及素材,做Rod Cast效果非常好及穩定,線打開亦非常直,性價比洽如其份,雖然貴左小小,仍然係值得買,長度就適合小河段。

如果一味追求輕 代價就係薄料 同意平衡係最緊要 無論手持定置竿都係 平衡做得好 手持就長時間拎住都唔會攰 操控時手腕冇甘攰同得心應手好多 持竿o既話 放低時唔會甘易指上天或者比枝竿個重量慢慢拉郁枝竿