TUBE POPPER

有朋友向我查詢製作Tube Popper嘅資料,咁我就分享過程相片...
為方便製作,要準備Tube flies配件工具,我自己只用透明膠管,按需要噴上不同顏色備用,至於外層網管就按自己喜好選擇,我建議裡外顏色對比度大一D,咁水下面立體感會強D,需要嘅工具材料都唔多,過程好簡單睇相片就可以,有D心機就會做得靚,我新有工具及材料都係購自淘寶,不過有一點要提一提,popper落水後,靜止水中角度最好後尾部較為下沉,因為做動作效果較好,我係用圓柱狀泡棉及鉛片條放前後做調整,至於尾部,我試過用火雞羽,兔毛及鴕鳥毛,結果係冰絲纖維最好效果,我自己用得最多係飛生魚,呢種分離式毛勾,最大好處係無咁易被咬爛,釣魚嘅野都好講創意發揮,有興趣嘅朋友可以動吓腦筋去試吓！！