人體制冷

呢個產品未推出售賣之前，已經留意左兩三個月，我就係天生怕熱大汗之人，喺香港夏天生活真係好慘，所以今個月推出就急不及待去日本網站買返來，產品係用左半導體制冷片，成個設計係唔錯，雖然無內置電而要插住尿袋用無咁方便，但減低重都幾最重要，官方就話平均一個鐘消耗約1000mah,咁一舊充滿嘅外置電都頂到好幾個鐘，降體溫效能應比隨身風扇好，我未正式於戶外太陽底下使用，期待做個長時間實戰測試，至於購買方面，暫時未知香港有無商店入貨，有興趣可到日購網店睇吓，至於淘寶我都未見有，因有金屬片接觸住頸部動脈，我就唔建議買老翻，大家就自己考慮一吓。