其實, 你肯去嘗試, 肯去問, 已經係一個好好既開始啦!
如果係餌木釣方面, 要玩得好, 首先真係要放得底kick餌木呢個問題, 如果一路拖, 一路怕餌木kick左係海度, 咁就好難專心去拖魷, 對收穫亦都唔會有幫助.
香港一般人都認同, 大約9月底至2月呢個時間, 都係大尾魷既盛釣期, 係呢個時候, 大尾魷都會較為靠近岸邊, 為散春作準備, 係呢段時間, 大尾魷的確可以係好淺好淺水既位置到搵野食, 根據過往紀錄, 我試個係不深於3尺水既位置釣穫2斤級既尾魷, 所以係盛釣期去釣, 淺水位置要拖到既機會好大.
但係現在開始入夏, 大尾魷既習性都會有所改變, 日間一般都會退回深水區, 到晚上先游返去淺水區搵野食, 所以係呢個時候去釣大尾魷, 如果於日間進行, 一般既投掟標點都會較遠及較出, 中既機會亦都會大d, 晚間則可以選擇較接近岸邊既位置作標點.
另外釣場方面, 沙灘亦時常有人拖0穫大尾魷既紀錄, 大尾魷一般喜歡係係沙石底既位置生息, 所以選擇釣點, 首要最好是找到沙石底既地方, 另外如有一些暗礁或出水要就更好, 因為大尾魷亦都喜歡係呢d位置隱藏, 等魚仔等其他生物經過, 出黎捕食!
好似爆叔所講, 我地黎緊會有一個活動, 到時請支持同參加! |
顯身卡
樓主
...魷一樣會有...只不過動作要快好多...