孤獨山溪行

沉醉在山河獨處的一刻…
午後陽光…溫暖…乾爽…寧靜…
二號的玻璃纖維竿
帶來很捧的釣味樂趣

天氣開始轉暖水溫仍然處於低水平，係香港期中一段適合溪釣嘅時間，皆因行山人士仲未開始落水玩，我自己都要把握夏天來臨前多D去釣，如果純計魚嘅食性及毛勾款式對應，一定係炎熱天氣昆蟲大爆發時間最好玩，但依家呢種枯水期尾段嘅挑戰性更大，水靜…魚敏感又餓，拋投要更加細膩更加準確，係非常好嘅練習機會，剛剛昨天飛過嘅釣點，對上係兩三年前玩過Tenkara,昨日再去感覺乾淨多了，魚亦多左但仍然難釣，作釣時毛勾落水依然要注意輕巧，假拋次數亦不要做太多，否則會有影響，最重要係唔可以將魚放回原來位置，香港嘅異鱲睇起上來同台灣馬口長相好似，其實習性好唔同，本性敏感好多，無台灣流水區馬口咁兇狠，要以溫柔手法對付，有一點極需提醒一吓，香港人一般較少接觸溪釣，敬請你務必注意安全，因天氣變化對溪澗狀況影響好大，水流力量唔係你想像得到，有唔少小溪澗都因突然間天氣變化而有山洪，更死過唔少人，敬請大家小心為上。