夜飛刀 II

上次因為用枝#3竿，
所以拋得好辛苦先達到心目中既標點。
今次特登用枝#6，
仲要試兩餅唔同既Flyline，
可惜既係今晚魚訊唔太多。
唔知關唔關flyline粗左而有影響。
不過咁先好有繼續試既借口。

用唔同既號數既竿，
係漆黑既環境仲可以專心咁感受下枝竿。
近排經常練習 tuck case 呢樣東西，
利用若蟲既銅珠加埋case方法，
令落水一刻產生較大既㘣形水紋。
模仿較大既昆蟲跌落水，
可以給引D較大既對象魚。

諗係咁諗，都仲要一步一步去証實。
而夜晚都可以話係幾好既測試環境。
希望遲D能夠再有系統D既數據，
等大家可以一齊再研究下。