為迎接釣蝦新世代做準備

曾幾何時…香港都興旺過一段釣蝦時期，市區有好幾個蝦場，大家都玩得甚開心 ，可能因為貴租關係，慢慢都結業無做，差唔多有成十年空白期，直至前年再有新蝦池開業，大家又再熱鬧去玩返，去年澳門更有新型式上樓小型蝦池營業，好快仲開左幾間，香港黎到今年三月已經有兩間樓上蝦場又開幕，我相信呢種成本相對輕嘅消閒地方，應該有機會流行起黎的，相比以往…依家釣蝦玩味就大左，因為可以玩架生，蝦竿已經有萬千選擇，仲有標，釣組，勾…林林種種，仲有個人風格釣具箱可玩，我自己都要積極D去準備好我個釣蝦寶箱…完成左會再同大家分享！！