3月29日：再戰樂園淺灘

放半日假，一點半到達樂園。經歷過兩日前俾班50後玩殘，今次直入塘尾，點知塘尾大風加多人，於是改往上塘。去到上塘大壩，發現上塘水滿溢，冇好釣位，於是走返轉頭，在樂園塘尾攝個位開竿。攪了大半個鐘，太大風，根本冇辦法令到浮標停留在釣點，變成玩飄浮，只好決定換位，再去淺灘。

去到淺灘，楝了位，才發現得呎幾水，唯有開支18呎左右試水深，終於搵到個位有3呎水深。攪完一大輪，三點半才開始釣。心想釣幾條魚仔就收工，就用0.8主0.4腳。

釣了一陣，冇動靜，於是將所有釣餌拋哂落去做誘餌。開好新餌之後，打一第竿，浮標升四目，一抽，大嘢！0.4腳！來不及想死頂好，還是放低竿用失手繩同佢玩好，本能就已經頂左，又頂得住喎，上水是一條43cm黃金錦鯉。跟著釣到五點幾，石鯪大咬，上16條，另加網紋仔及紅寶石各一。五點半回家。

師兄轉位真快, 咁短時間可上上落落... 厲害...
有無見其他50後呀....?

skycat772 發表於 30/3/2016 21:13
師兄轉位真快, 咁短時間可上上落落... 厲害...
有無見其他50後呀....?

我最近轉用輕裝備，冇用車仔，揹著走得快D。

因為大風加天陰，睇唔清楚，隠約只係見到一、兩條錦鯉在對面游過，冇游埋我腳邊。

micro62 發表於 30/3/2016 21:30
我最近轉用輕裝備，冇用車仔，揹著走得快D。

因為大風加天陰，睇唔清楚，隠約只係見到一、兩條錦鯉在對 ...

班衰嘢真係好精, 佢地永遠游你對岸, 搞到你攞攞亂....