29/9 療傷勝地

今年中秋好傷：中秋節正日在主場中大魚，頂在15秒，影都未見就被拔了頭節。第二日去上塘搵錦鯉，只係中得一條，又係玩得15秒就斷主線。
為在唔俾惡運繼續下去，唯有行遠D，去從未試過釣唔到錦鯉的「新錦鯉樂園」療傷。

11點到釣點，打左幾竿就中大錦鯉，點知都係玩得1分鐘就俾佢拉直鉤走左。唔通療傷不成更重傷？

幸好再努力打多幾竿之後，終於連上30CM、35CMX2及40CM錦鯉，再加一條20CM非。

吃過午餐後，錦鯉收哂口，只係來了大烏龜。兩點幾見冇起色，執嘢取道大墰篤走人。

落到大墰篤，見時間尚早，加上仲有D餌，就搵個入水口位釣一陣。第一竿就中20CM九間，如是者又釣了一個鐘頭，中了約20條10-20CM九間。最後4點半歸家。

主場有無見到金霸王呀....?
另外, 新錦鯉樂園, 多人餵面包嗎....?

主場無見到金霸王

新錦鯉樂園多人餵面包。釣左幾條之後，有幾個阿嬸來餵面包，錦鯉吃飽之後就散水了。